Rekstraraðili óskast fyrir mötuneyti Landbúnaðarháskóla Íslands á Hvanneyri

Landbúnaðarháskóli Íslands auglýsir eftir rekstraraðila fyrir mötuneyti háskólans á Hvanneyri frá og með 4. ágúst 2026.

Eldhús mötuneytisins er vel búið, með góðri vinnuaðstöðu og matsalur rúmar 200 gesti. Meginverkefni mötuneytisins er hádegisverðarþjónusta fyrir starfsmenn og nemendur. Mötuneyti LbhÍ sinnir jafnframt þjónustu við hópa sem heimsækja háskólann sem og fundi og námskeið á vegum hans.

Mötuneytið gæti einnig í samstarfi við ferðaþjónustuaðila eða aðra víkkað út starfsemi sína eftir atvikum svo lengi sem starfsemin stangast ekki á við hagsmuni og þarfir háskólans.

Umsóknir tilgreini reynslu og menntun á sviði matreiðslu og mötuneytisrekstrar, ásamt hugmyndum að útfærslu rekstursins.

Nánari upplýsingar veitir Theodóra Ragnarsdóttir rekstrarstjóri í síma 4335000.