Laus störf Hæfnileit Vinnustaðir Námskeið

Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Vinnustaðurinn

Mannauðsráðgjafi í starfsumhverfisteymi - Háskóli Íslands á Hólum

Laust er til umsóknar starf mannauðsráðgjafa í starfsumhverfisteymi Mannauðssviðs Háskóla Íslands. Starfshlutfall er umsemjanlegt á bilinu 80%-100%. Starfsstöð er við Háskóla Íslands á Hólum og mun mannauðsráðgjafi veita stjórnendum og starfsfólki þar, sem og við Stofnun rannsóknasetra, ráðgjöf og stuðning á sviði mannauðsmála.

Meginhlutverk mannauðssviðs er að stuðla að faglegum og samræmdum vinnubrögðum í mannauðsmálum, tryggja að meðferð þeirra sé í samræmi við lög, reglur og stefnu Háskóla Íslands. Á mannauðssviði starfa 19 manns, sem búa yfir sérhæfðri reynslu og menntun á sviði mannauðsmála og veita stjórnendum og starfsfólki ráðgjöf, leiðbeiningar og stuðning.

Helstu verkefni og ábyrgð

Mannauðsráðgjöf og stuðningur til stjórnenda og starfsfólks Háskóla Íslands á Hólum og Stofnunar rannsóknasetra.
Umsjón með mannauðsmálum sem lúta að starfsumhverfi, samskiptum, frammistöðu, vinnustaðamenningu og fjarvistum.
Þátttaka í þróun, innleiðingu og nýsköpun á sviði mannauðsmála.
Þátttaka í gerð verklagsreglna tengdum starfsumhverfismálum.
Ráðgjöf og stuðningur á sviði jafnréttismála.

Menntunar- og hæfniskröfur

Háskólapróf með áherslu á mannauðsstjórnun, vinnusálfræði, stjórnun eða skyldar greinar.
Reynsla á sviði mannauðsmála.
Reynsla af starfsumhverfismálum er kostur.
Reynsla af mannauðsmálum í stórum skipulagsheildum eða í opinberri stjórnsýslu er kostur.
Góð samskiptahæfni og lipurð í mannlegum samskiptum
Skipulagshæfileikar, frumkvæði, drifkraftur og metnaður til þess að ná árangri í starfi.
Gott vald á íslensku og ensku í ræðu og riti.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Háskólinn Íslands á Hólum getur veitt aðstoð við að finna húsnæði í Skagafirði sé þess þörf.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir

Nánari upplýsingar veitir:

Ragnhildur Ísaksdóttir, Sviðsstjóri mannauðssviðs - [email protected]

Auglýsing birt24. ágúst 2026

Umsóknarfrestur3. september 2026

Tungumálahæfni