Lyfjafræðingur – Gæði & viðskiptaþróun

Heilsa ehf. óskar eftir metnaðarfullum og reynslumiklum lyfjafræðingi til starfa á lyfjasvið. Starfið sameinar daglega þátttöku í innflutningi og pökkun lyfja, gæðastjórnun og þróun gæðaferla, auk þess að veita tækifæri til að taka þátt í viðskiptaþróun og samstarfi við innlenda og erlenda aðila.

Viðkomandi verður lykilaðili í samstarfi við forstöðumann lyfjasviðs og starfar sem staðgengill ábyrgðarhafa (QP) í afleysingum.

Helstu verkefni

• Þátttaka í faglegum og rekstrarlegum verkefnum lyfjasviðs
• Tryggja að starfsemi sé í samræmi við lög, reglugerðir og GMP/GDP kröfur
• Þróa og viðhalda gæðaferlum og skjalfestingu
• Taka virkan þátt í daglegum verkefnum tengdum lyfjainnflutningi og pökkun
• Rækta og styrkja samskipti við viðskiptavini, birgja, eftirlitsstofnanir og skráningarfyrirtæki
• Styðja við leit að nýjum viðskiptatækifærum og þátttaka í samningaviðræðum
• Starfa sem staðgengill ábyrgðarhafa í afleysingum, í samræmi við reglur og þjálfun

Hæfniskröfur

• Háskólapróf í lyfjafræði með starfsleyfi á Íslandi
• Reynsla af heildsöluinnflutningi lyfja er mikill kostur
• Góð þekking á gæðaferlum og GMP/GDP
• Skipulagshæfni, nákvæmni og öguð vinnubrögð
• Reynsla af samskiptum við birgja og samstarfsaðila – viðskiptaþróun er kostur
• Gott vald á íslensku og ensku, bæði í rituðu og töluðu máli
• Sjálfstæði, frumkvæði og hæfni til að vinna í teymi

Við bjóðum

• Fjölbreytt og krefjandi starf með mikilli faglegri ábyrgð
• Tækifæri til að taka þátt í vexti og þróun fyrirtækisins
• Nánara samstarf við reynslumikið fagteymi og stjórnendur
• Samkeppnishæf laun og starfskjör. Afsláttarkjör hjá Lyfju, Krónunni, N1 og Elko.
• Aðgangur að velferðarþjónustu og styrkur til heilsueflingar
• Vinnutími, virkir dagar 100% starf, starfið krefst aðila sem getur ferðast

Nánari upplýsingar veitir Elvar Örn Kristinsson, faglegur forstöðumaður lyfjasviðs, [email protected].