Laus störf Hæfnileit Vinnustaðir Námskeið

Innviðaráðuneytið

Verkefni innviðaráðuneytisins ná til fjölmargra sviða þjóðfélagsins og varða meðal annars samgöngur, sveitarstjórnar- og byggðamál og fjarskiptamál. Í innviðaráðuneytinu starfa um 40 manns með fjölbreytta menntun og bakgrunn. Hópurinn er samhentur og áhersla lögð á góðan starfsanda, samvinnu og árangur.

Vinnustaðurinn

Lögfræðingur á sviði fjarskipta og netöryggis

Innviðaráðuneytið leitar að lögfræðingi til starfa á sviði fjarskipta og netöryggis. Starfið heyrir undir skrifstofu sveitarfélaga, stafrænna innviða og byggðarmála.

Um er að ræða fjölbreytt og krefjandi starf sem snýr að mótun og þróun regluverks fyrir stafræna innviði sem gegna mikilvægu hlutverki fyrir öryggi samfélagsins, áfallaþol og samkeppnishæfni Íslands.

Helstu verkefni og ábyrgð

Stefnumótun og þróun regluverks á sviði fjarskipta og netöryggis
Innleiðing og eftirfylgni með Evrópulöggjöf
Undirbúningur lagafrumvarpa og reglugerða
Þátttaka í alþjóðlegu samstarfi og samskiptum við innlenda hagaðila
Greining og eftirfylgni með þróun á sviðinu
Önnur tilfallandi verkefni

Menntunar- og hæfniskröfur

Embættis- eða meistarapróf í lögfræði
Þekking á stjórnsýslurétti
Reynsla af lögfræðistörfum og/eða opinberri stjórnsýslu er kostur
Þekking eða reynsla á sviði fjarskipta, netöryggis eða stafrænna innviða er æskileg
Góð færni í íslensku og ensku í ræðu og riti
Hæfni til að starfa sjálfstætt og í teymi
Greiningarhæfni, frumkvæði og skipulögð vinnubrögð

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Æskilegt er að umsækjandi geti hafið störf sem fyrst. Umsókn um starfið þarf að fylgja ferilskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni umsækjanda í starfið.

Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því að umsóknarfrestur rennur út, sbr. 2. gr. reglna um auglýsingar á lausum störfum nr. 1000/2019. Við ráðningar í störf hjá innviðaráðuneytinu er tekið mið af jafnréttisáætlun Stjórnarráðsins. Ráðuneytið hvetur einstaklinga óháð kyni til að sækja um starfið.

Starfshlutfall er 100%. Tekið er á móti umsóknum í gegnum starfatorg.is. Umsóknarfrestur er til og með 13.04.2026. Nánari upplýsingar veita, Þóra Björk Eysteinsdóttir, mannauðsstjóri – [email protected] og Aðalsteinn Þorsteinsson, skrifstofustjóri, [email protected].

Auglýsing birt31. mars 2026

Umsóknarfrestur13. apríl 2026

Tungumálahæfni