Skrifstofa Alþingis
Hlutverk skrifstofu Alþingis er að styðja við starfsemi Alþingis svo að þingið og þingmenn geti sinnt hlutverkum sínum samkvæmt stjórnarskrá og lögum. Meginverkefni skrifstofunnar eru að vera forseta til aðstoðar, framfylgja ákvörðunum hans og forsætisnefndar auk ákvarðana á fundi forseta með þingflokksformönnum. Enn fremur að veita alþingismönnum, nefndum og þingflokkum faglega aðstoð og þjónustu, að hafa á hendi almennan rekstur þingsins og stjórnsýslu og að varðveita og miðla upplýsingum um hlutverk og starfsemi Alþingis.
Skrifstofa Alþingis leitar að sérfræðingum til starfa á þingfunda- og útgáfusviði
Við leitum að þremur öflugum íslenskufræðingum með góða tæknikunnáttu og áhuga á að starfa með okkur á skrifstofu Alþingis. Meginverkefnin eru yfirlestur og útgáfa á þingskjölum og ræðum ásamt aðstoð við þingfundi. Unnið er þvert á deildir innan sviðsins. Um er að ræða fjölbreytt og spennandi störf í lifandi starfsumhverfi.
Þingfunda- og útgáfusvið annast undirbúning þingfunda og veitir forseta, varaforsetum og þingmönnum faglega ráðgjöf og aðstoð við framkvæmd þeirra. Þá ber sviðið ábyrgð á útgáfu á þingskjölum og umræðum í þingsal, Alþingistíðindum og lagasafni. Nánari upplýsingar um hlutverk sviðsins má finna á vef þingsins.
Helstu verkefni og ábyrgð
- Gátun og frágangur texta í þingskjölum og ræðum
- Yfirlestur og lagfæringar á lagatæknilegum atriðum
- Vinnsla og útgáfa þingskjala
- Aðstoð við undirbúning og framkvæmd þingfunda
- Þátttaka í þróun verkefna og verklags
Menntunar- og hæfniskröfur
- Háskólapróf í íslensku, málvísindum eða sambærilegum greinum
- Marktæk reynsla af vinnu við yfirlestur og frágang texta
- Góð tæknikunnátta og hugarfar grósku
- Farsæl reynsla af teymisvinnu
- Frumkvæði og sveigjanleiki
- Sjálfstæð, nákvæm og öguð vinnubrögð
- Góð samskiptahæfni og jákvæðni
Auglýsing birt25. mars 2026
Umsóknarfrestur13. apríl 2026
Tungumálahæfni
ÍslenskaNauðsyn
Staðsetning
Kirkjustræti 10, 101 Reykjavík
Starfstegund
Starfsgreinar
Starfsmerkingar
Fleiri störf (1)
Sambærileg störf (6)
Framkvæmdastjóri - Fjármál og eftirlit
Sjúkratryggingar Íslands
Verkefnastjóri óskast í eignadeild
Kópavogsbær
Framkvæmdastjóri - Þjónusta
Sjúkratryggingar Íslands
Fjármála- og stjórnsýslusvið – Forstöðumaður reikningshalds
Reykjanesbær
Umhverfis- og framkvæmdasvið - Verkefnastjóri samgöngumála
Reykjanesbær
Þjónustufulltrúi á skrifstofu félagslegs húsnæðis
Velferðarsvið Kópavogsbæjar