Lögfræðingur hjá Saga legal

Saga legal leitar að metnaðarfullum lögfræðingi til starfa með öflugu teymi lögmannsstofunnar. Starfið felst aðallega í víðtækri ráðgjöf og hagsmunagæslu fyrir einstaklinga sem hafa orðið fyrir líkamstjóni vegna umferðarslysa. Kjósi viðkomandi að fara einnig í önnur verkefni sem stofan er með er sá möguleiki að sjálfsögðu líka fyrir hendi. Við leggjum ríka áherslu á vandaða þjónustu, mannlega nálgun og fagleg vinnubrögð.

Helstu verkefni og ábyrgð:

• Hagsmunagæsla og ráðgjöf við tjónþola vegna líkamstjóns
• Samskipti við tryggingafélög, sjúkrastofnanir og matsmenn
• Umsjón með tjónsuppgjörum og útreikningum á bótakröfum samkvæmt skaðabótalögum
• Gagnaöflun og ritun matsbeiðna og greinargerða sem málunum fylgja
• Rekstur mála fyrir úrskurðarnefndum og dómstólum (ef viðkomandi er með málflutningsréttindi)

Menntunar- og hæfnikröfur:

• Fullnaðarpróf í lögfræði er nauðsynlegt
• Rík þjónustulund og hæfni til að eiga viðkvæm samskipti við fólk í erfiðum aðstæðum er nauðsynleg
• Góð kunnátta í skaðabótarétti er nauðsynleg
• Framúrskarandi kunnátta í íslensku og hæfni til að setja fram flókinn texta á skýran hátt er nauðsynleg
• Reynsla á sviði skaðabóta- eða vátryggingaréttar er kostur
• Málflutningsréttindi eru kostur

Hvað við bjóðum:

• Tækifæri til að vaxa í starfi fyrir réttan starfsmann
• Sérhæfingu á sviði skaðabótaréttar en einnig tækifæri til þess að fara inn á önnur réttarsvið ef viðkomandi starfsmaður kýs það
• Gott og styðjandi starfsumhverfi þar sem liðsheild er í fyrirrúmi

Fylgigögn með umsókn:

Við óskum eftir því að eftirfarandi gögn fylgi umsókninni:

• Ferilskrá með upplýsingum um menntun og starfsreynslu
• Hnitmiðað kynningarbréf þar sem rökstutt er af hverju viðkomandi telur sig eiga erindi í starfið.
• Staðfest afrit af einkunnum úr laganámi
• Meðmæli eða upplýsingar um umsagnaraðila eru vel þegin en ekki verður haft samband við meðmælendur eða umsagnaraðila nema með samþykki umsækjanda

Starfshlutfall o.fl.:

• Um er að ræða 100% starfshlutfall (fullt starf)
• Gert er ráð fyrir að viðkomandi geti hafið störf sem fyrst eða samkvæmt nánara samkomulagi.
• Ráðið verður til að byrja með til fimm mánaða

Umsóknir og fyrirspurnir:

Umsóknarfrestur er til og með 20. apríl 2026. Unnið er úr umsóknum jafnóðum og þær berast og hvetjum við því áhugasama til að sækja um sem fyrst.

Umsóknir skulu berast í gegnum netfangið [email protected]. Öllum umsóknum verður svarað þegar ákvörðun um ráðningu liggur fyrir og farið er með allar umsóknir sem trúnaðarmál.

Nánari upplýsingar veitir Saga Ýrr Jónsdóttir hrl. í gegnum netfangið [email protected]