Leikskólakennari - leikskólaliði

Erum við að leita að þér? Við þurfum að bæta við frábært starfsmannateymið okkar hér í leikskólanum Ösp fyrir haustið 2026.

Markmið okkar er að stuðla að jöfnum tækifærum barna til að láta drauma sína rætast!

Leikskólakennari eða leikskólaliði óskast til starfa í leikskólann Ösp, sem er staðsettur í hjarta Fellahverfisins. Við leikskólann starfar metnaðarfullur starfsmannahópur með margvíslega menntun og reynslu, sem nýtir fjölbreyttar leiðir til að styðja við almennan þroska barna. Við hlúum að börnunum í samræmi við þarfir hvers og eins með kærleika og umburðarlyndi að leiðarljósi.

Sjálfsprottinn leikur er meginnámsleið leikskólans, þar sem virk þátttaka starfsfólks spilar stórt hlutverk í að styðja við leik barna. Lögð er áhersla á auðugt málumhverfi, vellíðan og starfsaðferðir sem mæta þörfum fjölbreytileika barnahópsins í leikskólanum, sem er með ríkan tungumála- og menningarbakgrunn.

Starfið er fjölbreytt, skemmtilegt og gefandi, þar sem enginn dagur er eins og við sköpum ný ævintýri á hverjum degi. Það er mikið og gott samstarf milli leik- og grunnskóla í Fellahverfi og vinnum við markvisst með mál og læsi í samvinnu við leikskólann Holt og Fellaskóla.

Þetta er fullt starfið og er laust í ágúst 2026.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.