Laus störf Hæfnileit Vinnustaðir Námskeið

Stekkjaskóli

Stekkjaskóli er nýr grunnskóli á Selfossi sem tók til starfa haustið 2021. Fyrsti áfangi nýbyggingar skólans var tekinn í notkun í mars 2023 og 2. áfangi var tekinn í notkun í janúar 2025. Næsta haust er gert ráð fyrir um 430 nemendum í 1.-9. bekk. Fullbyggður verður skólinn fyrir rúmlega 500 nemendur í 1.-10. bekk. Stekkjaskóli er hannaður og byggður sem teymiskennsluskóli, með vel skipulögðum árgangasvæðum, góðum list- og verkgreinastofum, glæsilegu bókasafni og náttúrufræðistofu með stórum gróðurskála. Byggingin þykir með glæsilegri skólabyggingum á landinu. Í Stekkjaskóla er lögð áhersla á teymiskennslu, teymisvinnu, tækni og nýsköpun, skapandi skólastarf, umhverfismál og jákvæðan skólabrag. Stefnumörkun skólans tekur meðal annars mið af menntastefnu Árborgar sem byggir á hugmyndinni um skólann sem lifandi lærdómssamfélag.

Vinnustaðurinn

Sérkennari í Stekkjaskóla

Stekkjaskóli auglýsir eftir sérkennara í 100% stöðuhlutfall frá og með 1. ágúst 2026. Leitað er eftir metnaðarfullum kennara sem starfar í nánu samstarfi við aðra kennara í skóla sem m.a. leggur áherslu á teymiskennslu, teymisvinnu, tækni og skapandi skólastarf.

Næsta haust er gert ráð fyrir um 430 nemendum í 1.-9. bekk. Fullsetinn verður skólinn fyrir um 500 nemendur í 1.-10. bekk.

Í Sveitarfélaginu Árborg búa rúmlega 12.000 íbúar og starfa um 1100 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Fylgist með velferð nemenda, hlúir að þeim andlega og líkamlega í samræmi við eðli og þarfir hvers og eins svo að þeir fái notið sín sem einstaklinga
Ber ábyrgð á að nemendur njóti kennslu samkvæmt megin markmiðum aðalnámskrá grunnskóla
Ber ábyrgð á að tryggja öryggi og velferð nemenda sinna
Sérkennari vinnur í nánu samstarfi við starfsfólk skólans og foreldra/forráðamenn nemenda í samráði við deildarstjóra
Að taka þátt í skólaþróun í samræmi við stefnu skóla og sveitarfélags

Menntunar- og hæfniskröfur

Leyfisbréf grunnskólakennara
Framhaldsmenntun á sviði kennslu- og uppeldisfræða eða sérkennslu er æskileg
LOGOS-réttindi kostur
Frumkvæði, skipulagshæfileikar og sjálfstæð vinnubrögð
Hæfni og áhugi á skólastarfi
Góð færni í mannlegum samskiptum
Hæfni til að tjá sig í ræðu og riti á íslensku

Umsóknarfrestur er til og með 13. apríl 2026

Laun eru samkvæmt kjarasamningi Sambands íslenskra sveitarfélaga og KÍ v/FG. Vakin er athygli á stefnu Árborgar að jafna hlutfall kynjanna í störfum og að vinnustaðir endurspegli fjölbreytileika samfélagsins.

Umsóknum fylgi leyfisbréf, yfirlit yfir nám, fyrri störf og rökstuðningur fyrir hæfni í starfi. Umsókn ásamt fylgigögnum skal skila í gegnum ráðningarvef sveitarfélagsins https://sveitarfelagid-arborg.alfred.is/ .

Allar umsóknir eru gildar í sex mánuði. Nánari upplýsingar um störfin veitir Hilmar Björgvinsson, skólastjóri, [email protected] , sími 480-1600 / 863-0922 og Hildur Bjargmundsdóttir, aðstoðarskólastjóri, [email protected] , sími 480-1600. Sjá einnig heimasíðu skólans www.stekkjaskoli.is

Auglýsing birt31. mars 2026

Umsóknarfrestur13. apríl 2026

Tungumálahæfni