Suðurnesjabær

Suðurnesjabær er næstfjölmennasta sveitarfélagið á Suðurnesjum með um 4.350 íbúa. Mikil uppbygging og gróska er í sveitarfélaginu, m.a. með uppbyggingu nýrra hverfa. Í Suðurnesjabæ eru m.a. tveir grunnskólar, tveir leikskólar, tvær íþróttamiðstöðvar og sundlaugar, bóka- og byggðasafn. Auk þess er ýmis önnur þjónusta og starfsemi á vegum sveitarfélagsins. Suðurnesjabær er heilsueflandi samfélag sem býður uppá nálægð við náttúruna og einstaka strandlengju sem umvefur sveitarfélagið.

Vinnustaðurinn

Leikskólakennarar - Leikskólinn Grænaborg

Vilt þú taka þátt í að byggja upp faglegt og öflugt leikskólastarf hjá Suðurnesjabæ?

Suðurnesjabær auglýsir eftir leikskólakennara í 80-100% stöðu í Leikskólann Grænuborg. Leikskólinn er sex deilda og þar eru börn frá 18 mánaða aldri til grunnskólaaldurs. Byggingin er ný og staðsett í afar fallegri náttúru við Byggðaveg í Sandgerði í Suðurnesjabæ. Lögð er áhersla á hreyfingu, náttúru, listir og útiveru í starfi leikskólans.

Í skólanum starfa um 40 starfsmenn og pláss er fyrir 134 börn. Skólinn er opinn frá 07:45 til 16:15 alla daga.

Leikskólastjórar eru Arnheiður Elsa Hannesdóttir og Karen Sif Sverrisdóttir.

Helstu verkefni og ábyrgð

Vinnur með og undir stjórn deildarstjóra
Vinnur að uppeldi og menntun leikskólabarna samkvæmt starfslýsingu leikskólakennara þ.m.t. að taka þátt í skipulagningu faglegs starfs og foreldrasamstarfi undir stjórn deildarstjóra

Menntunar- og hæfniskröfur

Leyfisbréf til kennslu* (leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði leikskóla
Reynsla af starfi á leikskólastigi eða starfi með börnum er æskileg
Góð íslenskukunnátta
Góð samskiptahæfni
Sveigjanleiki
Frumkvæði og sjálfstæði í vinnubrögðum
Hreint sakarvottorð

*Fáist ekki starfsmaður með leyfisbréf til kennslu er leitað eftir einstaklingi með aðra menntun og/eða reynslu sem nýtist í starfi sbr. lög nr. 95/2019.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Suðurnesjabær er eitt fjögurra sveitarfélaga á Suðurnesjum og eru íbúar rúmlega 4.000 talsins. Suðurnesjabær er heilsueflandi samfélag og samanstendur af byggðarkjörnunum Garði og Sandgerði. Sveitarfélagið er ört stækkandi en mikil uppbygging er framundan hjá sveitarfélaginu, fjölgun íbúa og spennandi tækifæri til framtíðar á svæðinu. Nánari upplýsingar má finna á heimasíðu sveitarfélagsins.

Umsóknarfrestur er til og með 18. ágúst 2025. Umsókn óskast fyllt út á www.sudurnejsabaer.is og þarf henni að fylgja ítarleg starfsferilskrá ásamt kynningarbréfi þar sem gerð er grein fyrir ástæðu umsóknar ásamt rökstuðningi fyrir hæfi til að sinna starfinu.

Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin.

Nánari upplýsingar um starfið veita Arnbjörg Elsa Hannesdóttir leikskólastjóri í tölvupósti á [email protected].