Laus störf Hæfnileit Vinnustaðir Námskeið

Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með yfir 50 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa yfir 5000 sérfræðingar í upplýsingatækni.

Vinnustaðurinn

Leiðtogi í þróun gervigreindarlausna

Gervigreindarsetur Advania leitar að aðila til að leiða þróun í gervigreindarlausnum Advania. Markmið Gervigreindarseturs Advania er að ýta undir verðmætasköpun á Íslandi með notkun gervigreindar. Advania hefur þegar úr fjölda gervigreindarlausna að moða og starfið því mjög fjölbreytt. Þetta er einstakt tækifæri til að koma að hraðri þróun á sviði gervigreindar og móta tæknilegt umhverfi til framtíðar.

Hlutverk þitt

Innleiðing og ráðgjöf á gervigreindarlausnum Advania
Vinna náið með viðskiptavinum og teymum innan Advania við þróun á frumgerðum og lausnum sem skapa virði með gervigreind
Starfa þvert á Advania samsteypuna í Norður Evrópu í því að koma lausnum samsteypunnar á markað á Íslandi
Þróun á gervigreindarlausnum fyrir íslenskan markað með Azure foundry, Nvidia AI Enterprise, Oracle og sambærilegum tólum

Menntunar- og hæfniskröfur

Háskólamenntun í tölvunarfræði, verkfræði eða sambærilegum greinum.
Þekking og reynsla af hugbúnaðarþróun (API, samþættingar, prófanir, CI/CD o.s.frv.).
Þekking og reynsla af þróun gervigreindarlausna (t.d. LLM, RAG, MCP).
Reynsla af gagnavinnslu fyrir gervigreind er kostur (t.d. ETL, gagnalíkön, vektoragrunnar, skjalavinnsla).
Þekking á Prompt engineering er kostur.
Þekking og reynsla af NVIDIA AI Enterprise (t.d. NeMo, NIM) er kostur.
Þekking og reynsla af microservice architecture og Kubernetes er kostur.
Þekking og reynsla af Azure AI Foundry er kostur.
Góð íslensku- og enskukunnátta í rituðu og töluðu máli.

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 22. febrúar 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Þórður Ingi Guðmundsson, forstöðumaður Gerveigreindarseturs Advania, [email protected] / 4409000.

Auglýsing birt10. febrúar 2026

Umsóknarfrestur22. febrúar 2026

Tungumálahæfni