Kennari í stærðfræði og náttúrugreinum frá 1. ágúst 2026

Í Fellaskóla vantar okkur kennara í náttúrugreinum og stærðfræði á eldra stigi. Kennt er í teymum og í hverjum árgangi vinna tveir til þrír fagreinakennarar saman að þróun skólastarfs, skipulagi kennslu, hópaskiptingu og bera sameiginlega ábyrgð á hópnum. Mögulegt er að umsjónarkennsla á eldra stigi fylgi stöðunni. Í hverjum árgangi eru tveir umsjónarkennarar sem bera sameiginlega ábyrgð á árganginum.

Í Fellaskóla er fjölbreyttur og hæfileikaríkur nemendahópur. Flestir nemendanna tala fleiri en eitt tungumál og tengjast fjölmörgum löndum og menningarsvæðum. Með nemendum starfar öflugur hópur starfsfólks.

Skólastarfið einkennist af jákvæðum skólabrag ásamt samvinnu kennara sem miðar að því að koma til móts við ólíkar þarfir nemenda, styrkja samskipti innan nemendahópsins og skapa metnaðarfullt námsumhverfi án aðgreiningar þar sem nemendur geta látið drauma sína rætast.

Við höfum undanfarið unnið að ýmsum verkefnum til að bæta kennslu og aðra þjónustu við nemendur. Megináhersla er á málþroska og læsi, leiðsagnarnám og teymisvinnu kennara, ásamt tónlist og skapandi skólastarfi. Í skólanum starfa þrír deildarstjórar verkefna sem styðja við þessa þætti. Fellaskóli er skóli án aðgreiningar og meginstefnan er að sérkennsla og ÍSAT kennsla fari fram í bekkjarumhverfi. Mikil áhersla er á læsi í yngstu árgöngunum og við vinnum náið með leikskólum hverfisins til að efla málþroska nemenda.

Í Fellaskóla starfar talmeinafræðingur.

Við bjóðum upp á skemmtilegt starfsumhverfi, flottan starfsmannahóp og rík tækifæri til að þróast í starfi.

Fellaskóli er símalaus skóli, sem þýðir að nemendur nota ekki síma á skólatíma.