Laus störf Hæfnileit Vinnustaðir Námskeið

atNorth

atNorth hefur frá 2009 verið brautryðjandi í hönnun, uppbyggingu og rekstri hátæknigagnavera á Íslandi, Svíþjóð, Finnlandi og Danmörku. Meðal viðskiptavina atNorth eru alþjóðleg fyrirtæki og stofnanir sem starfa í fjölmörgum greinum, svo sem við rannsóknir, í heilbrigðisgeiranum, í fjármálaiðnaði og veðurfræði, sem nýta þjónustu atNorth til þess að vinna gögn með hámarks afköstum á hagkvæman og umhverfisvænan hátt. Með staðsetningu gagnavera atNorth á Norðurlöndunum getur fyrirtækið nýtt umhverfisaðstæður svo sem loftslag og nýtingu hita sem myndast í gagnaverunum til að ná fram betri orkunýtingu en þekkist annars staðar við rekstur gagnavera, ásamt því að knýja gagnaverin með endurnýjanlegri orku. Hringrásarhagkerfið sem byggir á grunni endurnýjanlegrar orku og hagkvæmrar orkunýtingar er haft að leiðarljósi við hönnun gagnavera atNorth. Höfuðstöðvar atNorth eru í Reykjavík, en fyrirtækið rekur sjö gagnaver á Norðurlöndum. Á árinu 2024 verða tvö ný gagnver tekin í notkun í Finnlandi og Danmörku. Frekari upplýsingar um atNorth er að finna á heimasíðu fyrirtækisins atnorth.com og eins má fylgja atNorth á Linkedin og Facebook.

Vinnustaðurinn

HSE SÉRFRÆÐINGUR

atNorth heldur áfram að stækka á Akureyri og leitar nú að lausnamiðuðum og skipulögðum aðila starf HSE sérfræðings.

Við leitum að einstaklingi með brennandi áhuga á öryggis, umhverfis- og heilbrigðismálum sem vill tryggja að vinnuumhverfið sé ávallt öruggt, faglegt og í samræmi við gildandi kröfur.

Í þessu starfi verður þú lykilaðili í að leiða og innleiða öfluga öryggismenningu innan fyrirtækisins og styðja við sjálfbærni og stöðugar umbætur hjá atNorth á Akureyri.

atNorth er ört vaxandi norrænt fyrirtæki sem sérhæfir sig í rekstri gagnavera með sterka áherslu á sjálfbærni, nýsköpun og að skapa frábæra upplifun á vinnustað.

Um er að ræða framtíðarstarf í fullu starfi sem hentar öllum kynjum.

Ef þú hefur ánægju af því að stuðla að öruggu og heilbrigðu starfsumhverfi og vilt starfa í jákvæðu, alþjóðlegu og vaxandi umhverfi, hvetjum við þig til að sækja um.

Helstu verkefni og ábyrgð

Innleiðing og eftirfylgni með HSE stefnum, ferlum og verklagsreglum í nánu samstarfi við stjórnendur
Þátttaka í þróun og eflingu samræmds verklags
Stöðugreiningar, skráning og miðlun upplýsinga um HSE til stjórnenda og hagaðila
Framkvæmd reglulegs eftirlits, áhættumats og öryggisúttekta auk þess að leiða umbótaverkefni
Atvikagreiningar, meðferð frávika og markviss innleiðing úrbóta
Skipulag og utanumahald þjálfunar og fræðslu í öryggis- og neyðarviðbrögðum auk aðkomu að æfingum og viðbragðsáætlunum
Að fylgjast með og skrá helstu umhverfisþætti starfseminnar og styðja við sjálfbærniverkefni atNorth
Önnur verkefni í samráði við stjórnendur og samstarfsfólk

Menntunar- og hæfniskröfur

Er lausnamiðaður, skipulagður og með sterka öryggisvitund
Hefur framúrskarandi samskiptahæfni og á auðvelt með að vinna með fjölbreyttum hópi fólks þvert á teymi
Hefur reynslu af HSE málum, áhættumati, innleiðingu ferla og rannsókn atvika
Nýtur þess að vinna markvisst að umbótum og leiða jákvæða breytingu
Er sjálfstæður í vinnubrögðum, agaður og skipulagður
Hefur góða færni í íslensku og ensku
Hefur hreint sakavottorð

Helstu kostir þess að vinna hjá atNorth

Viðeigandi þjálfun, símenntun og tækifæri til að þróast í starfi
Heilsumiðað hugarfar með áherslu á jafnvægi milli vinnu og einkalífs
Íþróttastyrkur til að rækta líkama og sál
Skemmtinefnd sem heldur stemningunni lifandi
Veitingaþjónusta á vinnustaðinn
Fjarskiptapakki og símastyrkur
Alþjóðlegur vinnustaður með fjölbreytileika og fjölmenningu

Umsóknarfrestur er til og með 1. mars 2026.

Sótt er um á www.mognum.is

Nánari upplýsingar veita:

Sigríður Ólafsdóttir – [email protected]

Telma Eiðsdóttir – [email protected]

Um atNorth

atNorth er leiðandi norrænt fyrirtæki á sviði gagnavera sem býður upp á sjálfbæra þjónustu sniðna að þungri tölvuvinnslu og sem laga má að þörfum viðskiptavina hverju sinni.

Auk nýjustu tækni nýtir atNorth umhverfisaðstæður á borð við kalt loftslag norðurslóða og svo hita frá starfseminni til að ná fram betri orkunýtingu, ásamt því að knýja gagnaverin með endurnýjanlegri orku.

Höfuðstöðvar atNorth eru í Hafnarfirði, en fyrirtækið rekur átta gagnaver á Norðurlöndum, þar af þrjú á Íslandi. Fram undan á árinu er opnun níunda gagnavers atNorth í Ballerup í Danmörku. Þá er tíunda gagnaverið í smíðum í Kouvola í Finnlandi og það ellefta í Varde í Danmörku. Þá hefur atNorth tryggt sér svæði undir gagnaver í Sollefteå í Svíþjóð.

Frekari upplýsingar má finna á atNorth.com og síðu fyrirtækisins á LinkedIn.

Auglýsing birt18. febrúar 2026

Umsóknarfrestur1. mars 2026

Tungumálahæfni