Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur á göngudeild ofnæmislækninga

Við auglýsum eftir metnaðarfullum hjúkrunarfræðingi til starfa á göngudeild ofnæmislækninga á A3 í Fossvogi. Um er að ræða spennandi og fjölbreytt starf í faglegu og styðjandi umhverfi sem einkennist af mjög góðri teymisvinnu hjúkrunarfræðinga og sérfræðilækna.

Á göngudeildinni fer fram greining og sérhæfð meðferð ofnæmis- og lungnasjúkdóma. Meðal verkefna eru ofnæmishúðpróf, fæðuþolpróf, afnæmingarmeðferðir og líftæknilyfjameðferð við alvarlegum astma.

Við sækjumst eftir hjúkrunarfræðingi sem er nákvæmur og sjálfstæður í starfi og hefur áhuga á að taka þátt í þróun og umbótum í þjónustunni. Í boði er einstaklingsmiðuð aðlögun undir leiðsögn reynds hjúkrunarfræðings.

Starfshlutfall er samkomulag og er starfið laust 1. maí 2026 eða samkvæmt nánara samkomulagi.

Helstu verkefni og ábyrgð

Framkvæmd sérhæfðra ofnæmismeðferða
Framkvæmd og túlkun ofnæmisrannsókna
Fræðsla og kennsla til sjúklinga og aðstandenda
Þátttaka í gæðastarfi og þróun þjónustu innan einingar
Önnur verkefni á deild í samráði við deildarstjóra

Menntunar- og hæfniskröfur

Íslenskt hjúkrunarleyfi
Skipulögð, sjálfstæð og nákvæm vinnubrögð
Reynsla af hjúkrun bráðveikra er kostur
Íslenskukunnátta áskilin

Starfshlutfall: 50-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, teymisvinna

Tungumálahæfni: íslenska 4/5

Staðsetning: Fossvogur, 108 Reykjavík

Nánari upplýsingar

Geirný Ómarsdóttir

Tölvupóstur: [email protected]

Sími: 8245100

Auglýsing birt16. apríl 2026

Umsóknarfrestur28. apríl 2026

Tungumálahæfni

Íslenska

Nauðsyn

Mjög góð

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (32)