Hjúkrunarfræðingur á göngudeild lungna A3

Laust er til umsóknar starf hjúkrunarfræðings á göngudeild lungna á A3 í Fossvogi.

Við bjóðum góða starfsaðlögun með reyndum hjúkrunarfræðingum og tækifæri til að þróa starfsemi einingar í samvinnu við teymi hjúkrunarfræðinga og sérfræðinga.

Starfið felur í sér uppvinnslu, meðferð og eftirfylgd einstaklinga með lungnasjúkdóma sem þarfnast sérhæfðrar þjónustu uppvinnslu og meðferðar, sem dæmi eru þetta einstaklingar:

• í greiningarferli vegna hnúts í lunga

• í eftirliti eftir meðferð við lungnakrabbameini

• með millivefssjúkdóma á sérhæfðum lyfjum

• með sarklíki

• með lungnaháþrýsting og eru á sérhæfðari meðferð

• í uppvinnslu vegna mögulegrar lungnaskipti og eftirlit eftir lungnaskipti

• sem hafa fengið alvarlega blóðtappa í lungu

• með langvinna lungnateppu

Starfið felst einnig í því að koma að og þróa eftirfylgd þessara hópa enn frekar, bæta þjónustu og koma að tæknilegri framþróun. Unnið er í samvinnu við teymisstjóra lungna, lungnahjúkrunarfræðinga, í þéttu samstarfi við lungnalækna, lungnarannsókn og súrefnisþjónustu Landspítala.

Unnið er í dagvinnu og er vinnutími sveigjanlegur. Starfshlutfall er 50-100% og er starfið laust nú þegar eða samkvæmt nánara samkomulagi.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.