Laus störf Hæfnileit Vinnustaðir Námskeið

Samkaup

Samkaup er framsækið verslunarfyrirtæki sem er leiðandi í viðskiptaháttum, vörugæðum og þjónustu. Samkaup hf reka yfir 60 verslanir víðsvegar um landið og er eitt af stærstu verslunarfyrirtækjum á Íslandi. Þær spanna allt frá lágvöruverðsverslunum til þægindaverslana. Helstu verslanamerki Samkaupa eru Nettó, Kjörbúðin, Krambúðin og Iceland. Samkaup leggur áherslu á að vera eftirsóttur vinnustaður, með öfluga framlínu þar sem gildi fyrirtækisins, Kaupmennska, Áræðni, Sveigjanleiki og Samvinna eru leiðarljós í öllu starfi. Samkaup er rekstrarfélag á neytendavörumarkaði með virkt hlutverk í samfélaginu. Hlutverk Samkaupa er að tryggja neytendum vörugæði, góða þjónustu og fjölbreytt vöruval á eins hagstæðu verði og völ er á og með samfélagslega ábyrgð að leiðarljósi. Samkaup skal vera þekkt fyrir að fara alla leið í þágu vörugæða og þjónustu ásamt því að vera í fararbroddi í nýsköpun sem skapar tækifæri fyrir viðskiptavini, samfélag og starfsfólk.

Vinnustaðurinn

Grafískur hönnuður

Vilt þú taka þátt í spennandi breytingum? Samkaup leitar að grafískum hönnuði sem brennur fyrir markaðsmálum.

Þú vinnur þétt með markaðsstjórum að fjölbreyttum verkefnum þvert á vörumerki Samkaupa: Nettó, Prís, Kjörbúðina, Krambúðina, SPAR, 10-11 og Heimkaup. Fyrirtækið stendur á spennandi tímamótum í þróun á ásýnd og upplifun vörumerkjanna og þú færð að móta það með okkur.

Ef þú ert kraftmikil manneskja með frumkvæði, skoðanir á markaðsmálum og vilt starfa í lifandi og hröðu samkeppnisumhverfi þá hvetjum við þig til að sækja um.

Helstu verkefni og ábyrgð

Hönnun og framleiðsla markaðsefnis fyrir helstu miðla: samfélagsmiðla, útimiðla, vefmiðla, bæklinga, skjái, prentmiðla o.s.frv.
Ásýnd og upplifun í verslunum: skilti, hillumerkingar og aðrar upplýsingamerkingar, frá hugmynd í prentskjal
Umsjón með sniðmátum og útliti hvers vörumerkis í Figma
Þróa sniðmát og ferla sem sjálfvirknivæða framleiðslu á reglubundnu efni fyrir öll vörumerkin
Samskipti þvert á deildir og við utanaðkomandi samstarfsaðila

Menntunar- og hæfniskröfur

Menntun og/eða reynsla á sviði grafískrar hönnunar, helst í retail eða hröðu umhverfi
Mjög góð færni í Figma og Adobe Creative Suite
Reynsla af vinnslu og frágangi prentskjala
Sjálfstæði í vinnubrögðum og skapandi hugsun
Áhugi á sjálfvirkni og nýjungum í hönnunarverkfærum, og forvitni um að prófa nýjar leiðir
Brennandi áhugi á markaðsmálum
Kostur ef viðkomandi hefur reynslu af hreyfigrafík, verkefnastýringu og/eða textaskrifum

Fríðindi í starfi

Afsláttarkjör í verslunum Samkaupa og tengdra félaga
Velferðarþjónusta
Heilsustyrkur

Nánari upplýsingar um starfið veitir Sædís Kristjánsdóttir, mannauðsstjóri [email protected]

Samkaup hefur hlotið Menntasprota atvinnulífsins, Hvatningarverðlaun jafnréttismála og auk þess hlotið jafnlaunavottun Jafnréttisstofu.

Samkaup rekur 62 verslanir víðsvegar um landið. Þær spanna allt frá lágvöruverðsverslunum til þægindaverslana. Helstu verslunarmerki Samkaupa eru: Nettó, Kjörbúðin, Prís, SPAR, Krambúðin og 10-11. Hjá félaginu starfa um 1400 starfsmenn í um 650 stöðugildum.

Samkaup státar af öflugri jafnréttisstefnu sem nær ekki einungis til jafnréttis kynjanna heldur beinist einnig að hinsegin starfsfólki, erlendu starfsfólki og starfsfólki með skerta starfsgetu. Jafnréttisstefnan kallast Jafnrétti fyrir alla – Samkaup alla leið! og er stefna sem er unnið markvisst eftir á öllum starfsstöðvum Samkaupa.

Auglýsing birt6. nóvember 2026

Umsóknarfrestur20. nóvember 2026

Tungumálahæfni