Prentumsjón / Artwork Coordinator

Coripharma leitar að metnaðarfullum og sjálfstæðum einstaklingi í prentumsjón (artwork coordination) hjá Innkaupa- og áætlanadeild. Í starfinu berð þú ábyrgð á að tryggja gæði prentverka og að þau séu tilbúin á réttum tíma, frá frumgögnum til útgáfu, í samskiptum við viðskiptavini og prentsmiðjur. Verkefnin eru fjölbreytt og krefjandi. Ef þú hefur reynslu úr prentiðnaði, sterka þekkingu á grafískum forritum og góða samskiptahæfileika, þá viljum við heyra frá þér.

Helstu verkefni og ábyrgð:

• Yfirferð frumgagna (technical approval)
• Yfirferð prófarka og gangsetning prentunar
• Samskipti við viðskiptavini og prentsmiðjur
• Miðla upplýsingum til annara deilda um stöðu verkefna
• Tryggja að verkefni séu unnin innan skilgreindra tímamarka
• Önnur tilfallandi verkefni

Menntunar- og hæfniskröfur:

• Menntun í prentsmíði, hönnun eða grafískri miðlun
• Starfsreynsla og/eða þekking á prentiðnaði
• Þekking á grafískum forritum (Adobe)
• Frumkvæði og hæfni í mannlegum samskiptum
• Nákvæm og öguð vinnubrögð
• Vinna vel sjálfstætt og með öðrum
• Framúrskarandi ensku- og tölvukunnátta

Fríðindi:

• Sveigjanlegur vinnutími
• Mötuneyti

Coripharma er íslenskt nýsköpunarfyrirtæki með um 230 starfsmenn sem byggir á traustum grunni lyfjaþróunar og framleiðslu á Íslandi. Félagið sérhæfir sig í þróun, framleiðslu og útflutningi samheitalyfja ásamt því að sinna verktökuframleiðslu fyrir önnur lyfjafyrirtæki.

Frá því að félagið hóf starfsemi árið 2018 hefur það hafið framleiðslu á 26 lyfjum og er með 21 ný lyf í þróun. Nánari upplýsingar um Coripharma má finna á www.coripharma.is

Með umsókn skulu fylgja ferilskrá og kynningarbréf. Í kynningarbréfinu skal gera grein fyrir ástæðu umsóknar og rökstyðja hæfni til að gegna starfinu.