Fulltrúi í launadeild

Íslandshótel leitar að öflugum og metnaðarfullum launafulltrúa til liðs við launadeild félagsins á fjármálasviði.

Launadeildin gegnir mikilvægu hlutverki í daglegri starfsemi fyrirtækisins og starfar í nánu samstarfi við önnur svið og starfsstöðvar um allt land.

Við leitum að einstaklingi sem hefur áhuga á að starfa í faglegu og kraftmiklu umhverfi og vill vera hluti af samheldnu teymi sem leggur metnað í nákvæm vinnubrögð, góða þjónustu og öflugt samstarf.

Um starfið

Í starfinu gegnir þú lykilhlutverki í daglegri starfsemi deildarinnar. Hlutverkið felur í sér launavinnslu, afstemmingar og þjónustu við stjórnendur og starfsfólk innan fyrirtækisins. Starfið krefst sjálfstæðra vinnubragða, góðrar yfirsýnar og hæfni í mannlegum samskiptum.

Helstu verkefni

• Umsjón með launavinnslu og launaútreikningum
• Afstemmingar og eftirlit með launagögnum
• Skráning og eftirfylgni með launatengdum gögnum í launakerfum
• Þjónusta við stjórnendur og millistjórnendur vegna launa- og kjaramála
• Úrvinnsla og uppgjör launatengdra gjalda til opinberra aðila
• Þátttaka í þróun og umbótum á launaferlum og verkferlum
• Önnur verkefni samkvæmt nánara samkomulagi

Menntunar- og hæfniskröfur

• Menntun sem nýtist í starfi
• Reynsla af launavinnslu er skilyrði
• Þekking á launakerfum skilyrði - Íslandshótel notar H3 launakerfi og Business Central
• Gott vald á íslensku og ensku er skilyrði (önnur tungumál kostur)
• Góð bókhaldsþekking og skilningur á fjárhagslegum gögnum
• Góð þekking á Excel og hæfni til að vinna með gögn og greiningar
• Góð almenn tölvu- og hugbúnaðarþekking og hæfni til að tileinka sér ný kerfi
• Framúrskarandi skipulagshæfni og nákvæmni í vinnubrögðum
• Frumkvæði, góð samskiptahæfni og þjónustulund

Gildin okkar eru:

Samvinna - Fagmennska - Hugrekki - Umhyggja

Frekari upplýsingar veitir Hrund Hauksdóttir, framkvæmdastjóri Fjármálasviðs ([email protected]).

Farið verður með allar fyrirspurnir og umsóknir sem trúnaðarmál.

Í gegnum tvö öflug vörumerki, bjóða Íslandshótel gæða hótel hringinn í kringum landið í nálægð við stórbrotið landslag og einstakar náttúruperlur. Innan Fosshótel og Hótel Reykjavík vörumerkja eru 17 hótel með rétt tæplega 2.000 herbergi. Fosshótel eru staðsett hringinn í kringum landið og Hótel Reykjavík með 4 stjörnu hótel í Reykjavík fyrir ferðamenn og ráðstefnugesti sem vilja njóta glæsilegar aðstöðu og framúrskarandi þjónustu.

Lærðu meira um Íslandshótel