Laus störf Hæfnileit Vinnustaðir Námskeið

Rangárþing Ytra

Rangárþing ytra er fallegt, framsækið og víðfeðmt sveitarfélag í hjarta Suðurlands. Starfsstöð byggingarfulltrúa er á Hellu en þaðan er aðeins um klukkustundarakstur á Höfuðborgarsvæðið. Íbúar sveitarfélagsins eru um 2000 og samfélagið er fjölbreytt og iðandi. Mikil uppbygging er í gangi á svæðinu og t.a.m. er verið að stækka skóla og leikskóla og byggja upp gervigrasvöll og fleiri íþróttamannvirki. Einnig eru að hefjast stórar virkjanaframkvæmdir innan marka sveitarfélagsins sem hafa í för með sér mikla uppbyggingu og umsvif. Í Rangárþingi ytra er fjölbreytt úrval búsetukosta, gott aðgengi að leikskólaplássum og mjög öflugir grunnskólar. Framboð íþrótta, tómstunda og menningarviðburða er gott og tækifæri til útivistar í náttúrunni eru nær óþrjótandi.

Vinnustaðurinn

Mannauðs- og launafulltrúi

Rangárþing ytra leitar að metnaðarfullum og jákvæðum einstaklingi sem er tilbúinn að takast á við fjölbreytt og krefjandi starf mannauðs- og launafulltrúa.

Næsti yfirmaður er sveitarstjóri. Starfshlutfall er 100% og æskilegt er að viðkomandi geti hafið störf sem fyrst.

Helstu verkefni og ábyrgð

Launavinnsla, frágangur launa og launaröðun skv. kjara- og ráðningarsamningum.
Upplýsingagjöf varðandi launavinnslu og kjaratengd mál.
Gerð launaáætlana.
Umsjón og utanumhald í tengslum við starfsmannakerfi og upplýsingar.
Aðstoð og ráðgjöf til stjórnenda varðandi mannauðsmál.
Leiða vinnu við jafnlaunavottun.
Þátttaka í stefnumótun.
Ýmis önnur verkefni í samráði við stjórnendur.

Menntunar- og hæfniskröfur

Háskólamenntun sem nýtist í starfi
Reynsla og góð þekking á launa- og kjaramálum
Þekking á launa- og mannauðskerfum, t.d. Dynamics 365 BC, er kostur
Þekking á skjalastjórnunarkerfum, t.d. One System, er kostur
Þekkingar skráningarkerfum sveitarfélaga, s.s. vinnustund, er kostur
Góð almenn tölvukunnátta og tæknilæsi
Hæfni til að greina gögn og vinna með upplýsingar
Mjög góð samskiptahæfni og rík þjónustulund
Skipulögð og nákvæm vinnubrögð og hæfni til að halda utan um fjölbreytt verkefni
Frumkvæði, sjálfstæði í starfi og metnaður til að ná árangri
Þekking á opinberri stjórnsýslu og kjarasamningum sveitarfélaga er kostur

Fríðindi í starfi

Hjá Rangárþingi ytra starfa um 170 manns hjá hinum ýmsu stofnunum en skrifstofa sveitarfélagsins er staðsett á Hellu.Nánari upplýsingar um Rangárþing ytra má finna á www.ry.is.

Sótt er um starfið á www.mognum.is

Nánari upplýsingar veita Sigríður Ólafsdóttir; [email protected] og Telma Eiðsdóttir; [email protected]

Umsóknarfrestur er til og með 7. apríl nk.

Með umsókn skal fylgja ítarleg ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda.

Allir áhugasamir einstaklingar, óháð kyni, eru hvattir til að sækja um starfið.

Öllum umsóknum verður svarað þegar ákvörðun um ráðningu hefur verið tekin.Laun eru samkvæmt kjarasamningi viðkomandi stéttarfélags og Sambands íslenskra sveitarfélaga.