Frístundamiðstöðin Bungubrekka

Frístundamiðstöðin Bungubrekka hefur yfirumsjón á skipulagningu og rekstri á því frístundastarfi sem sveitarfélagið ber ábyrgð á og býður upp á. Þar má nefna frístundaheimilið sem er þjónusta fyrir börn í 1.-4. bekk, félagsmiðstöðina sem er þjónusta fyrir börn og unglinga í 5.-10. bekk ásamt skipulögðu frístundastarfi yfir sumartíman fyrir fjölbreytta aldurshópa.

Vinnustaðurinn

Frístundaleiðbeinandi

Frístundamiðstöðin Bungubrekka leitar að frístundaleiðbeinanda sem brennur fyrir starfi með börnum og ungmennum. Starfið felst í að bjóða upp á fjölbreytt og innihaldsríkt frístunda- og tómstundastarf í öruggu og skapandi umhverfi þar sem frjáls leikur, val og þátttaka eru í fyrirrúmi.

Markmið starfsins er að efla sjálfstraust og félagsfærni barna og tryggja öllum jafna aðkomu að starfi án aðgreiningar.

Helstu verkefni og ábyrgð

Undirbúningur og framkvæmd frístundastarfs og tiltekt að starfi loknu.
Leiðbeina börnum og tryggja þátttöku þeirra með styrkleika þeirra að leiðarljósi
Hvetja til leiks, sköpunar og hreyfingar
Stuðla að jákvæðu og öruggu félagsumhverfi
Veita stuðning í samskiptum, úrlausnum ágreininga og tilfinningalegri úrvinnslu
Stíga inn í fjölbreytt hlutverk eftir þörfum, svo sem að stýra smiðjum eða fylgja eftir viðveru og mætingu
Skipuleggja minni viðburði, smiðjur og klúbba í samráði við yfirmann

Menntunar- og hæfniskröfur

Reynsla af starfi með börnum frá 6-9 ára er kostur
Góð samskipta- og samvinnuhæfni
Jákvætt og lausnamiðað hugarfar
Sveigjanleiki og hjálpsemi
Þolinmæði og umhyggja í starfi með börnum
Hæfni til að lesa í aðstæður og skapa traust
Virðing fyrir einstaklingum, skoðunum og upplifun þeirra
Tæknilæsi eða vilji til að nýta tækni í starfi
Hreint sakavottorð

Fjölbreytt og skapandi starf í lifandi umhverfi
Sterkt teymi samstarfsfólks og góðan stuðning frá yfirmanni
50% starfshlutfall
Tækifæri til að hafa jákvæð áhrif á líf barna og ungmenna í Hveragerði
Stytting vinnuvikunnar

Umsóknarfrestur er til og með 30 .september. Umsóknum verður svarað jafnóðum og þær berast og gert er ráð fyrir að viðkomandi geti hafið störf sem fyrst.

Umsóknir skulu berast rafrænt í gegnum íbúagátt Hveragerðisbæjar ásamt ferilskrá og kynningarbréfi.

Nánari upplýsingar veitir Liljar Mar Pétursson forstöðumaður frístundamála í gegnum netfangið [email protected].

Auglýsing birt16. september 2025

UmsóknarfresturEnginn

Tungumálahæfni