Myndlistarmiðstöð

Myndlistarmiðstöð er sjálfseignarstofnun með sérstaka stjórn og starfar á grundvelli laga nr. 19/1988 um sjóði og stofnanir sem starfa skv. staðfestri skipulagsskrá. Hlutverk Myndlistarmiðstöðvar er að styðja við og efla íslenska myndlist innanlands og utan, vekja áhuga og auka skilning almennings á myndlist og greiða fyrir samskiptum milli aðila greinarinnar. Miðstöðin annast markvissa kynningu á íslenskri myndlist heima og erlendis og stuðlar að þróun innan stjórnkerfis og stofnana svo efla megi þátt myndlistar sem víðast í samfélaginu. Hlutverk hennar er einnig að veita ráðgjöf, fræðslu og miðlar upplýsingum til fagfólks, almennings og opinberra stofnana og auka veg íslenskrar myndlistar með fjölbreyttum innlendum og alþjóðlegum verkefnum og viðburðum á sviði myndlistar.

Vinnustaðurinn

Forstöðumaður

Myndlistarmiðstöð auglýsir starf forstöðumanns laust til umsóknar. Leitað er að skapandi leiðtoga sem brennur fyrir framgangi íslenskrar myndlistar jafnt innanlands sem utan.

Forstöðumaður mótar og stýrir daglegri starfsemi miðstöðvarinnar í umboði stjórnar og starfar í samræmi við skipulagsskrá hennar. Hann tryggir að verkefni miðstöðvarinnar séu unnin á árangursríkan hátt, metur árangur starfseminnar með reglulegum hætti og þróar leiðir að markmiðum hennar.

Forstöðumaður er ráðinn til fimm ára í senn.

Helstu verkefni og ábyrgð

Daglegur rekstur og stjórnun.
Mótun og framkvæmd stefnu Myndlistarmiðstöðvar.
Skipulagning og framkvæmd á kynningu íslenskrar myndlistar innanlands og erlendis.
Efling samstarfs og samskipta milli listamanna, stofnana og stjórnvalda.
Faglega ráðgjöf, miðlun fræðslu og upplýsinga.
Skipulagning og umsjón með innlendum og alþjóðlegum verkefnum.
Samningagerð við listamenn, stofnanir og styrktaraðila.
Umsýsla Myndlistarsjóðs og Listskreytingasjóðs.
Gegna hlutverki „Commissioner“ fyrir íslenska skálann á Feneyjatvíæringnum.
Fjárhagsáætlun, rekstrarstýring og ábyrgð á fjármögnun verkefna.
Ráðning starfsfólks og eftirlit með starfsemi miðstöðvarinnar.

Menntunar- og hæfniskröfur

Þekking og áhugi á íslensku og alþjóðlegu myndlistarlífi.
Háskólamenntun sem nýtist í starfi.
Reynsla af stjórnun, stefnumótun og menningarrekstri.
Þekking og reynsla af stjórnsýslu.
Reynsla af uppgjöri og áætlanagerð.
Reynsla af samningagerð.
Reynsla af kynningar- og markaðsmálum.
Hæfni í mannlegum samskiptum og jákvætt viðmót.
Metnaður og ögun í vinnubrögðum.
Góð færni í ræðu og riti á íslensku og ensku.

Myndlistarmiðstöð er sjálfseignarstofnun með sérstaka stjórn og starfar á grundvelli laga nr. 19/1988 um sjóði og stofnanir sem starfa skv. staðfestri skipulagsskrá.

Hlutverk Myndlistarmiðstöðvar er að styðja við og efla íslenska myndlist innanlands og utan, vekja áhuga og auka skilning almennings á myndlist og greiða fyrir samskiptum milli aðila greinarinnar. Miðstöðin annast markvissa kynningu á íslenskri myndlist heima og erlendis og stuðlar að þróun innan stjórnkerfis og stofnana svo efla megi þátt myndlistar sem víðast í samfélaginu. Hlutverk hennar er einnig að veita ráðgjöf, fræðslu og miðlar upplýsingum til fagfólks, almennings og opinberra stofnana og auka veg íslenskrar myndlistar með fjölbreyttum innlendum og alþjóðlegum verkefnum og viðburðum á sviði myndlistar.

Umsóknarfrestur er til og með 29. september n.k.

Umsóknum á að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningur færður fyrir hæfni viðkomandi í starfið. Einnig á að fylgja afrit af viðeigandi prófskírteinum og upplýsingar um tvo umsagnaraðila.

Æskilegt er að nýr forstöðumaður geti hafið störf sem fyrst.

Umsjón með ráðningu í starfið hafa Auður Bjarnadóttir ([email protected]) og Garðar Óli Ágústsson ([email protected]) hjá Vinnvinn.

Auglýsing birt15. september 2025

Umsóknarfrestur29. september 2025

Tungumálahæfni