Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Forstöðumaður nýframkvæmda og viðhalds gatna og stíga

Laust er til umsóknar spennandi starf forstöðumanns nýframkvæmda og viðhalds gatna og stíga á umhverfis- og mannvirkjasviði Akureyrarbæjar.

Um er að ræða 100% stöðu sem er ótímabundin.

Á Akureyri finnur þú samfélag sem styður þig og fjölskylduna þína í fallegu umhverfi, vegalengdir eru stuttar og allt er innan seilingar.

Á sama tíma færð þú tækifæri til að takast á við spennandi verkefni og vaxa í starfi.

Helstu verkefni og ábyrgð

Stjórnun og samræming verkefna á sviði nýframkvæmda, endurbóta og viðhalds gatna og stíga.
Stjórnun og samræming á verkefnum umferðar- og gatnalýsingar ásamt umferðaröryggismálum og umferðamerkingum.
Stjórnun á framkvæmdum og rekstri bifreiðastæðasjóðs.
Stýring á skipulagi innkaupa, birgðahaldi og starfsmannahald.
Vinna að gerð fjárhags- og starfsáætlana fyrir sína deild.
Stefnumótun og þróunarvinna á deildinni.
Samstarf og samskipti við hagsmunaaðila.

Menntunar- og hæfniskröfur

Gerð er krafa um háskólapróf (BA/BS) í byggingartæknifræði, byggingarfræði, byggingarverkfræði eða sambærilega menntun sem nýtist í starfi.
Menntun á framhaldsstigi er krafist, sérsvið í gatna- og umferðarmálum kostur.
Reynsla af verklegum framkvæmdum á viðkomandi starfssviði.
Reynsla af verkefnastjórnun og áætlanagerð.
Reynsla af stjórnun starfsmanna á sambærilegu verksviði.
Hæfni til stjórnunar, skipulagningar, nýsköpunar og innleiðingu nýrra hugmynda og vinnubragða.
Góð almenn tölvukunnátta er nauðsynleg og þekking á teikniforritum.
Frumkvæði, sjálfstæð vinnubrögð og góð samskiptafærni.
Góð íslenskukunnátta og hæfni til þess að tjá sig í ræðu og riti.
Góð enskukunnátta.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja ítarlegt yfirlit yfir starfsferil og greinargóðar upplýsingar um störf umsækjanda, menntun og starfsreynslu ásamt greinargóðum upplýsingum um verkefni sem hafa tilvísun í starfið.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Verkfræðingafélags Íslands.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Dóra Sif Siggtryggsdóttir, forstöðumaður í gegnum netfangið [email protected]

Einungis er tekið á móti rafrænum umsóknum.

Umsóknarfrestur er til og með 15. september 2025.

Auglýsing birt25. ágúst 2025

Umsóknarfrestur15. september 2025

Tungumálahæfni