Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Forstöðumaður umhverfis- og sorpmála

Laust er til umsóknar spennandi starf forstöðumanns umhverfis- og sorpmála á umhverfis- og mannvirkjasviði Akureyrarbæjar.

Um er að ræða 100% ótímabundna stöðu.

Á Akureyri finnur þú samfélag sem styður þig og fjölskylduna þína í fallegu umhverfi, vegalengdir eru stuttar og allt er innan seilingar.

Á sama tíma færð þú tækifæri til að takast á við spennandi verkefni og vaxa í starfi.

Helstu verkefni og ábyrgð

Stjórnun og samræming verkefna á sviði umhverfis- og sorpmála
Forstöðumaður ber ábyrgð á rekstri umhverfis- og sorpmála
Stýring á skipulagi innkaupa, birgðahaldi og starfsmannahald
Vinna að gerð fjárhags- og starfsáætlana fyrir sína deild
Stefnumótun og þróunarvinna á deildinni
Samstarf og samskipti við hagsmunaaðila

Menntunar- og hæfniskröfur

Gerð er krafa um háskólamenntun sem nýtist í starfi og reynslu á sviði umhverfis- og sorpmála ásamt framhaldsgráðu.
Gerð er krafa um a.m.k. 5 ára starfsreynslu innan starfssviðsins og við verkefnastjórnun.
Góð almenn tölvukunnátta er nauðsynleg.
Starfinu fylgja mikil samskipti við deildir bæjarins, hönnuði, verktaka og notendur. Það krefst lipurðar í mannlegum samskiptum, frumkvæðis og skipulagðra og sjálfstæðra vinnubragða.
Hæfni til stjórnunar, skipulagningar, nýsköpunar og innleiðingu nýrra hugmynda og vinnubragða.
Hæfni í mannlegum samskiptum, góð framkoma, hæfni í samningaumleitunum og góð þjónustulund er nauðsynleg.
Trúnaður og þagnarskylda.
Góð íslenskukunnátta og hæfni til þess að tjá sig í ræðu og riti.
Góð enskukunnátta.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja ítarlegt yfirlit yfir starfsferil og greinargóðar upplýsingar um störf umsækjanda, menntun og starfsreynslu ásamt greinargóðum upplýsingum um verkefni sem hafa tilvísun í starfið.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi BHM félags.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Dóra Sif Sigtryggsdóttir í gegnum netfangið [email protected]

Einungis er tekið á móti rafrænum umsóknum.

Umsóknarfrestur er til og með 15. september 2025.

Auglýsing birt25. ágúst 2025

Umsóknarfrestur15. september 2025

Tungumálahæfni