Forritari (e.developer)

Þjónustu- og nýsköpunarsvið leitar að reyndum forritara til starfa á skrifstofu gagna og hugbúnaðarþróunar. Við þróum áreiðanlegar, aðgengilegar og notendavænar stafrænar lausnir sem bæta þjónustu við íbúa og styðja við upplýsta ákvarðanatöku.

Þú vinnur í þverfaglegu teymi forritara, prófara, hönnuða og vörustjóra að þróun stafrænna lausna sem eru hluti af daglegri stafrænni þjónustu sem borgarbúar og starfsfólk nýta sér.

Sem leiðandi forritari gegnir þú lykilhlutverki í teyminu og kemur að tæknilegri hönnun og þróun hugbúnaðarlausna með áherslu á bakendakerfi og heildstæðan lausnaarkitektúr. Í starfinu tekur þú þátt í tæknilegum ákvörðunum, stuðlar að gæðum kóða og styður við faglega þróun teymisins.

Helstu verkefni og ábyrgð

Leiða þróun og viðhald á hugbúnaðarlausnum með .NET Core og React/TypeScript
Ábyrgð á kóðagæðum, endurskoðun kóða og stýringu tækniskulda
Uppsetning, viðhald og hagræðing á SQL Server gagnagrunnum
Nýting á Microsoft Azure til að tryggja skalanleika og áreiðanleika kerfa
Þróun og viðhald á CI/CD ferlum með notkun GitHub Actions
Samvinna við aðrar einingar innan þjónustu- og nýsköpunarsviðs, með notkun Jira Software og Agile/Scrum aðferða
Þátttaka í mótun tæknilegrar stefnu og lausnahönnun í samstarfi við tæknistjóra gagna og hugbúnaðarþróunar
Skjölun á lausnahönnun, arkitektúr og virkni kerfa
Leiðsögn og faglegur stuðningur við aðra forritara
Ráðgjöf og tæknilegur stuðningur við aðra sérfræðinga innan skrifstofunnar

Menntunar- og hæfniskröfur

Háskólamenntun í tölvunarfræði eða sambærilegri menntun og/eða reynsla sem nýtist í starfi
Reynsla af því að bera tæknilega ábyrgð á kerfum og/eða verkefnum
Góð þekking á RESTful API hönnun og samþættingu kerfa
Reynsla af skýjalausnum, sérstaklega Microsoft Azure
Reynsla af CI/CD ferlum og sjálfvirknivæðingu þróunarferla
Hæfni til að taka tæknilegar ákvarðanir og koma að lausnahönnun
Frumkvæði og sjálfstæði í starfi
Góðir samskipta- og leiðtogahæfileikar
Rík aðlögunarhæfni og jákvætt viðhorf til breytinga
Hæfni til að tjá sig í ræðu og riti á íslensku og ensku

Fríðindi í starfi

Þjónustu- og nýsköpunarsvið er fyrsta flokks vinnustaður þar sem góð liðsheild og virðing einkennir menninguna. Við leggjum mikið upp úr faglegu umhverfi þar sem frumkvæði og þori er fagnað. Verkefnin eru krefjandi, skemmtileg og enn betra er að þau stuðla að því að einfalda og bæta líf borgarbúa og starfsfólks borgarinnar.

Þjónustu- og nýsköpunarsvið er regnbogavottaður vinnustaður. Markmið með regnbogavottun Reykjavíkurborgar er að gera starfsemi Reykjavíkurborgar hinseginvænni, bæði fyrir starfsfólk og þjónustuþega og einnig koma í veg fyrir beina og óbeina mismunun í garð hinsegin fólks.

Við bjóðum upp á

Fyrsta flokks vinnustað
Niðurgreitt mötuneyti sem býður upp á fjölbreyttan og hollan mat
Verkefni sem stuðla að því að einfalda og bæta líf starfsfólks og borgarbúa
Krefjandi og skemmtileg verkefni
Öfluga nýliðamóttöku
Sálrænt öryggi og skapandi menningu
Góða liðsheild og góð samskipti
Samkennd og virðing
Þekkingarumhverfi
Fjölbreytta þjálfun og möguleika á þróun í starfi
Áherslu á jafnrétti og fjölbreytileika
Heilsueflandi vinnustað
Gott vinnuumhverfi
30 daga í sumarleyfi
36 stunda vinnuviku
Fyrsta flokks vinnuaðstöðu
Heilsu- og samgöngustyrk
Sundkort
Menningakort

Æskilegt er að viðkomandi geti hafið störf sem fyrst.

Umsóknarfrestur er til 24. mars n.k. Nánari upplýsingar um starfið veitir María Lovísa Ámundadóttir deildarstjóri hugbúnaðarþróunar í gegnum tölvupóstfangið [email protected]

Umsóknir geta gilt í 6 mánuði eftir að umsóknarfrestur rennur út. Launakjör eru samkvæmt kjarasamningi Reykjavíkurborgar og viðkomandi stéttarfélags.

Eftirfarandi gögn skulu fylgja umsókn:

1. Starfsferilsskrá

2. Kynningarbréf þar sem umsækjandi gerir grein fyrir áhuga og hæfni í starfið.

Reykjavíkurborg er skapandi og metnaðarfullur vinnustaður ásamt því að vera sá stærsti á Íslandi.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Auglýsing birt10. mars 2026

Umsóknarfrestur24. mars 2026

Tungumálahæfni