Fjársýslusvið: Sumarstarf í bókhaldsdeild
Elskar þú tölur eða vilt öðlast færni og reynslu í bókhaldi og kynnast opinberri stjórnsýslu?
Fjársýslusvið Akureyrarbæjar óskar eftir að ráða metnaðarfullan, talnaglöggan og lærdómsfúsan einstakling í sumarafleysingar.
Ráðið er í starfið frá miðjum maí til ágústloka 2026, en tímabilið er þó umsemjanlegt. Vinnutími er sveigjanlegur, 7,2 klst á dag, en föst viðvera er frá klukkan 9-15 virka daga.
Starfið er tilvalið fyrir manneskju sem vill öðlast þekkingu og reynslu í bókhaldi, fjármálum og opinberri stjórnsýslu, s.s. háskólanema í viðskiptafræði eða einstaklinga með áhuga á bókhaldi.
Fjársýslusvið Akureyrarbæjar tekur á móti tæplega 70.000 reikningum á ári, þjónustar allar stofnanir bæjarins auk fyrirtækja í eigu sveitarfélagsins. Hér gefst því gott tækifæri til að kynnast af eigin raun starfsemi á fjársýslusviði í stóru fyrirtæki með fjölbreytta starfsemi.
- Bókun reikninga í SAP fjárhagsbókhaldskerfi.
- Móttaka rafrænna reikninga.
- Verkefni tengd sjálvirknivæðingu í bókhaldi.
- Ýmis tilfallandi bókhaldsstörf eftir hentugleikum.
- Stúdentspróf eða sambærileg menntun er krafa.
- Nauðsynlegt er að viðkomandi hafi áhuga á bókhaldsstörfum.
- Nám á sviði bókhalds og fjármála er æskileg, t.d. úr framhaldsskóla eða háskóla.
- Góð tölvukunnátta er skilyrði og áhugi á að tileinka sér nýja þekkingu og vinnubrögð.
- Góð og hagnýt þekking á excel er skilyrði.
- Þekking á bókhaldskerfum er kostur.
- Mikilvægt er að viðkomandi sé talnaglöggur, vandvirkur, agaður og sjálfstæður í vinnubrögðum.
- Góð færni í mannlegum samskiptum.
- Góð íslenskukunnátta, í ræðu og riti.
- Góð enskukunnátta.
- Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
Íslenska
Enska
