Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Drekadalur - Aðstoðarleikskólastjóri

Nýr leikskóli, leikskólinn Drekadalur í Innri Njarðvík leitar eftir drífandi, skipulögðum og jákvæðum einstaklingi í starf aðstoðarleikskólastjóra sem er tilbúin að taka þátt og leiða gott faglegt starf í lýðræðislegu skólaumhverfi. Um fjölbreytt framtíðarstarf er að ræða sem krefst góðrar hæfni í mannlegum samskiptum og stjórnun.

Leikskólinn Drekadalur er sex deilda leikskóli með 120 nemendum. Í Drekadal verður lögð áhersla á samvinnu og nýtingu mannauðs ásamt leik barna sem verður gert hátt undir höfði.

Um framtíðarstarf er að ræða í 100% starfshlutfall frá og með 1. ágúst 2024 eða eftir nánara samkomulagi. Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags FSL Félag stjórnenda í leikskólum.

Helstu verkefni og ábyrgð

Starfar við hlið leikskólastjóra og ber ásamt honum ábyrgð á rekstri og faglegu starfi leikskólans.
Er staðgengill í fjarveru leikskólastjóra og starfar þá samkvæmt starfslýsingu hans.
Vinnur ásamt leikskólastjóra að daglegri stjórnun leikskólans og skipulagningu uppeldisstarfsins.
Sinnir þeim verkefnum sem varða stjórnun leikskólans sem leikskólastjóri felur honum hverju sinni.

Menntunar- og hæfniskröfur

Leyfisbréf til að nota starfsheitið leikskólakennari
Framhaldsmenntun á sviði stjórnunar æskileg
Stjórnunarreynsla í leikskóla mikilvæg
Lipurð og færni í mannlegum samskiptum
Frumkvæði í starfi og faglegur metnaður
Sjálfstæð og skipulögð vinnubrögð
Stundvísi og reglusemi
Góð íslenskukunnátta.

Sótt er um starfið á vef Reykjanesbæjar, www.reykjanesbaer.is, undir Laus störf. Umsóknum skal fylgja ítarleg ferilsskrá ásamt kynningarbréfi þar sem gerð er grein fyrir ástæðu umsóknar ásamt rökstuðningi um hæfni viðkomandi í starfið.

Áhugasamir einstaklingar, án tillits til kyns, eru hvattir til að sækja um.

Nánari upplýsingar veitir María Petrína Berg leikskólastjóri netfang maria.p.berg@drekadalur.is S. 8523964

Auglýsing stofnuð16. apríl 2024

Umsóknarfrestur30. apríl 2024

Tungumálakunnátta