Deildarstjóri – Sóltún Sólvangi hjúkrunarheimili

Viltu leiða frábært teymi í hlýlegu og faglegu umhverfi?

Hjúkrunarheimili Sóltúns Sólvangi í Hafnarfirði óskar eftir öflugum og metnaðarfullum hjúkrunarfræðingi í starf deildarstjóra til að leiða starfsemi einnar deildar heimilisins.

Sólvangur er hjúkrunarheimili í hjarta Hafnarfjarðar með 71 einstaklingsíbúð. Heimilið skiptist í heimilislegar einingar með 10–11 íbúum í hverri, þar sem lögð er áhersla á persónulega þjónustu og virðingu fyrir einstaklingnum.

Starfið skiptist í stjórnun og hjúkrun. Um er að ræða framtíðarstarf í 100% starfshlutfalli í dagvinnu innan stuðningsríks og hlýlegs umhverfis, fyrsti starfsdagur er samkvæmt samkomulagi.

Staðsetning: Sólvangsvegi, 220 Hafnarfirði

Helstu verkefni

• Dagleg stjórnun og rekstur deildar
• Starfsmannastjórnun og teymisvinna
• Skipulagning og eftirfylgni með hjúkrun og umönnun
• Samskipti við íbúa, aðstandendur og aðra fagaðila

Menntunar- og hæfniskröfur

• Íslenskt hjúkrunarleyfi
• Hreint sakavottorð
• Stjórnunarreynsla
• Leiðtogahæfni
• Góð samskipta- og skipulagshæfni
• Frumkvæði, sveigjanleiki og jákvæðni
• Góð íslenskukunnátta og færni í notkun upplýsingatækni

Starfskjör og fyrirkomulag

• Fjölbreytt og krefjandi starf
• Tækifæri til að þróast í starfi og taka þátt í uppbyggingu þjónustu
• Laun eru greidd samkvæmt viðeigandi kjarasamningi
• Niðurgreiddur hádegismatur
• Velferðartorg
• Samgöngustyrkur
• Íþróttastyrkur

Um Sóltún heilbrigðisþjónustu

Sóltún heilbrigðisþjónusta er leiðandi þjónustuaðili á sviði velferðar- og öldrunarþjónustu á Íslandi. Markmið okkar er að auka velsæld og lífsgæði eldra fólks með fjölbreyttri og heildrænni heilbrigðisþjónustu, þar sem áhersla er lögð á virðingu, sjálfstæði og stuðning í daglegu lífi.

Undir merkjum Sóltúns eru rekin hjúkrunarheimili í Reykjavík og Hafnarfirði, auk endurhæfingarþjónustu, dagdvalar og heimaþjónustu. Þjónustan er veitt af þverfaglegu teymi fagfólks sem vinnur saman að því að tryggja öryggi, vellíðan og gott líf íbúa og skjólstæðinga.

Hjá Sóltúni er lögð sérstök áhersla á nærandi samfélag þar sem umhyggja, fagmennska og jákvæð samskipti eru í fyrirrúmi. Starfsfólk er stærsti styrkleiki þjónustunnar og því er rík áhersla lögð á gott starfsumhverfi, samvinnu og tækifæri til starfsþróunar.

Umsóknarfrestur til og með 23. september 2026

Nánari upplýsingar veitir Fjóla Bjarnadóttir, forstöðumaður á tölvupóstfanginu [email protected]