Bæjarritari - Hveragerðisbær

Hveragerðisbær óskar eftir að ráða bæjarritara sem hefur þekkingu og reynslu á sviði stjórnsýslu í fjölbreytt starf bæjarritara. Bæjarritari heyrir undir bæjarstjóra og er hans staðgengill. Fyrirhugaðar skipulagsbreytingar munu fela í sér að staða bæjarritara mun einnig verða að sviðsstjóra stjórnsýslusviðs.

Bæjarritari starfar náið með stjórnendum bæjarins og sinnir fjölbreyttum málaflokkum. Bæjarritari heldur utan um starfsemi bæjarráðs og bæjarstjórnar, ber ábyrgð á skjala- og gæðamálum bæjarins og kemur að innleiðingu stafrænnar stefnu sveitarfélagsins.

Helstu verkefni og ábyrgð

Bæjarritari er ritari bæjarráðs og bæjarstjórnar
Túlkun laga og reglugerða á málefnasviðum sveitarfélagsins
Ábyrgð á skjalavistun og þátttaka í umbótaverkefnum
Lögfræðileg álit og ráðgjöf um afgreiðslu einstakra mála
Undirbúningur stjórnsýsluákvarðana og ákvarðana um lögfræðileg málefni
Ráðgjöf við samningagerð, útboð og aðra skjalagerð bæjarins

Menntunar- og hæfniskröfur

Meistarapróf í lögfræði eða opinberri stjórnsýslu
Haldbær starfsreynsla sem nýtist í starfi
Reynsla af stjórnun er kostur
Haldbær þekking og reynsla af opinberri stjórnsýslu
Þekking á löggjöf á málefnasviðum sveitarfélaga
Þekking á lögum um skipulags- og umhverfismál er kostur
Góð samskiptafærni
Sjálfstæð vinnubrögð, frumkvæði, framsýni og metnaður
Góð tölvukunnátta og reynsla af stafrænni þróun
Mjög gott vald á íslensku í ræðu og riti

Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags. Umsókn skal fylgja starfsferilskrá og kynningarbréf. Hveragerðisbær leggur áherslu á jafnrétti og hvetur öll áhugasöm til að sækja um starfið. Starfshlutfall er 100%.

Umsóknarfrestur er til 27. október. Sótt er um starfið á www.hagvangur.is

Nánari upplýsingar veitir Geirlaug Jóhannsdóttir, [email protected]

Auglýsing birt13. október 2025

Umsóknarfrestur27. október 2025

Tungumálahæfni