Aðstoðarforstöðumaður - frístundaheimilið Stjörnuland

Frístundamiðstöðin Brúin leitar að aðstoðarforstöðumanni í 100% starf í frístundaheimilið Stjörnuland við Ingunnarskóla, Maríubaug 1, Grafarholti.

Frístundamiðstöðin Brúin starfrækir tíu frístundaheimili í Árbæ, Grafarholti og Grafarvogi.

Frístundamiðstöðin Brúin og frístundaheimilið Stjörnuland óska eftir að ráða metnaðarfullan og áhugasaman einstakling með menntun og reynslu sem nýtist í starfi.

Frístundaheimilin veita 6–9 ára börnum og foreldrum þeirra heildstæða og faglega þjónustu þar sem uppeldisgildi frístundastarfs SFS og Menntastefnu Reykjavíkurborgar eru höfð að leiðarljósi.

Tilgangur starfsins er að stuðla að auknum félagsþroska barna með áherslu á aukið sjálfstæði, ábyrgð og virkni þeirra í starfi ásamt mikilvægi heilbrigðs lífsstíls.

Hluti starfsins er unninn í samstarfi við grunnskóla, á skólatíma, með það að meginmarkmiði að efla félagsfærni barna. Starfið er ætlað fagmenntuðu fólki sem gefst tækifæri til að taka þátt í að þróa samstarfsverkefni frístundaheimila og grunnskóla.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.