Laus störf Hæfnileit Vinnustaðir Námskeið

Brúarásskóli

Brúarásskóli er samrekinn grunn- og leikskóli í Jökulsárhlíð á Fljótsdalshéraði. Í skólanum er lögð áhersla á samþættingu námsgreina í gegnum fjölbreytt þemaverkefni sem dreifast yfir veturinn. Mikið er lagt upp úr tjáningu og framsetningu verkefna sem nemendur ljúka. Verkgreinum er gert hátt undir höfði í skólanum og boðið upp á fjölbreyttar valgreinar fyrir nemendur í 6.-10 bekk. Skólinn leggur auk þess ríka áherslu á útivist og hreyfingu en góður íþróttasalur er í skólanum og auk þess sparkvöllur og ærslabelgur sem nýtast nemendum vel.

Vinnustaðurinn

Aðstoðar matráður/skólaliði óskast í Brúarásskóla

Brúarásskóli óskar eftir manneskju í 90-100% starfshlutfall frá og með 1. ágúst 2026.

Um er að ræða blandað starf sem aðstoðar matráður og skólaliði í samreknum leik- og grunnskóla með rúmlega 40 nemendum. Aðstoðar matráður skólans undirbýr og matreiðir hollar og fjölbreyttar máltíðir fyrir nemendur og starfsfólk í leik- og grunnskóladeild skólans. Leitað er að metnaðarfullum, samviskusömum og jákvæðum einstaklingi sem hefur færni, reynslu og menntun sem nýtist í starfi.

Um er að ræða tímabundið starf í 1 ár og er skólastjóri Brúarásskóla næsti yfirmaður

Helstu verkefni og ábyrgð

Útbýr hádegisverð og miðdegishressingu fyrir nemendur og starfsfólk skólans í samvinnu við matráð.
Hefur umsjón með þrifum á matsal, í mötuneyti og í skólastofum og almennu rými innan veggja skólans.
Hjálpar til við innkaup á matvörum fyrir mötuneytið.
Skipuleggur matseðla í samvinnu við matráð allt að mánuð fram í tímann.

Menntunar- og hæfniskröfur

Menntun á sviði matreiðslu kostur
Reynsla af starfi við í mötuneyti eða skólaeldhúsi er kostur
Reynsla af starfi við ræstingar er kostur
Frumkvæði, metnaður, skipulagshæfni og sjálfstæð vinnubrögð
Góð íslenskukunnátta
Færni í mannlegum samskiptum
Reynsla af starfi með börnum er kostur
18. ára og eldri
Hreint sakavottorð

Launakjör eru samkvæmt kjarasamningum sveitarfélagsins og viðkomandi stéttarfélags.

Öllum umsóknum skal fylgja yfirlit yfir nám og/eða fyrri störf og kynningarbréf. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veitir Ásgrímur Ingi Arngrímsson í síma 4700 626/865 0800 eða á netfanginu [email protected]

Þeir sem ráðnir eru til starfa á fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara.

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt1. apríl 2026

Umsóknarfrestur15. apríl 2026

Tungumálahæfni