PwC

Hjá PwC á Íslandi starfa um 120 manns, flestir með menntun í viðskipta- og rekstrarfræðum og/eða löggiltir endurskoðendur. Við leggjum áherslu á að starfsfólk okkar fái tækifæri til að sérhæfa sig á sínu áhugasviði innan síns tiltekna fags. Hjá PwC á alþjóðavísu starfa u.þ.b. 370.000 manns.

About

Upplýsingatæknistjóri

Við leitum að öflugum og reynslumiklum upplýsingatæknistjóra sem er tilbúinn að leiða tækniteymi PwC í krefjandi og alþjóðlegu umhverfi. Starfið felur í sér umfangsmikla ábyrgð á stefnumótun og samhæfingu við alþjóðlegar stefnur og reglur PwC International.

Upplýsingatæknistjórinn ber ábyrgð á öllu sem varðar upplýsingatæknimál hjá félaginu, þar á meðal stjórnun upplýsingatæknideildar, verkefnastjórnun, innleiðingu á nýjum tæknilausnum, uppfærslum á hugbúnaði og kerfum, sem og yfirumsjón með kerfisrekstri og rekstri alls búnaðar. Starfið krefst náinna samskipta við PwC International og upplýsingatæknistjóri tryggir að tenging við alþjóðleg teymi séu skilvirk og í samræmi við öryggisáherslur og gæðakröfur. Þá tekur viðkomandi þátt í öryggis- og gæðamálum í samstarfi við áhættustjóra til að tryggja að allir ferlar séu öruggir og standist háar gæðakröfur PwC.

Upplýsingatæknistjórinn hefur yfirumsjón með samningum við þjónustuaðila og PwC International sem tengjast tækjakaupum, tæknilausnum og þróun tækniumhverfisins.

Þetta er spennandi og krefjandi hlutverk sem kallar á framúrskarandi forystuhæfileika og reynslu af störfum í flóknu alþjóðlegu umhverfi.

Helstu verkefni og ábyrgð

Stjórnun:

Samræming á stefnu upplýsingatæknimála og öryggismála PwC á Íslandi við stefnu PwC International.
Mótun og fylgni við stefnu í öryggis- og kerfismálum í samráði við aðra stjórnendur PwC.

Umsjón með samskiptum við PwC International varðandi upplýsingatækni.

Innkaup og yfirumsjón með samningum varðandi uppýsingatæknimál.

Yfirumsjón með öllum verkefnum upplýsingatæknideildar.
Tryggja hæfni starfsmanna og stuðla að þróun þeirra með þekkingaröflun og þjálfun.

Rekstur og umsjón kerfa:

Umsjón með hugbúnaðarlausnum og kerfisrekstri, þar á meðal skýja-, hýsinga- og öryggislausnum.
Rekstur og umsjón netkerfis, vélarsals, varaaflskerfi og afritunararlausnar.
Umsjón með öryggismálum sem tengjast upplýsingatækni félagsins.
Innleiðing nýrra tækni- og hugbúnaðarlausna.
Umsjón með þjónustuborði UT-deildar og öryggiskerfum skrifstofa félagsins.

Menntunar- og hæfniskröfur

Háskólamenntun sem nýtist í starfi s.s. á sviði tölvunarfræði, kerfisfræði, verkfræði eða tengdra greina.
Leiðtogahæfileikar, góð samskiptahæfni og lausnamiðuð nálgun.
Reynsla af stjórnun í alþjóðlegu umhverfi.
Geta til að leiða teymi og verkefni í umbreytingarferlum.
Geta til að tileinka sér alþjóðlegt regluverk og hæfni til að vinna innan þess.
Gott vald á íslensku og ensku í rituðu og töluðu máli.

PwC er framsækið og traust fyrirtæki á sviði endurskoðunar, reikningsskila, fyrirtækjaráðgjafar og skatta- og lögfræðiráðgjafar. PwC er eitt stærsta endurskoðunar- og ráðgjafafyrirtæki í heiminum.

Hjá PwC Íslandi starfar fjölbreyttur hópur um 130 sérfræðinga. Vinnutíminn er sveigjanlegur og er lögð áhersla á fjölskylduvænan vinnustað.
Mikið er lagt upp úr heilsueflingu starfsfólks, en til staðar er heilsuráð þar sem starfsfólk tekur þátt í ýmsum átökum til þess að styðja við heilsurækt.
Starfsmönnum gefst kostur á að nýta sér alhliða heilsuræktarstyrk árlega, sem og mánaðarlegan samgöngustyrk fyrir þau sem labba, hjóla eða nýta sér almenningssamgöngur í vinnuna.

PwC leggur áherslu á faglega uppbyggingu, þátttöku í námskeiðum og sérhæfingu starfsfólks. Sem partur af teymi sérfræðinga færðu aðgang að alþjóðlegu fagefni og sérfræðihópum sem og tækifæri til að taka þátt í alþjóðlegum fræði- og umræðuhópum innan PwC samstarfsnetsins. Rík fræðsluáætlun er hjá félaginu og mikil áhersla á fræðslu og endurmenntun alls starfsfólks.

Umsóknarfrestur er til og með 26. ágúst nk.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Umsjón með starfinu hafa Garðar Óli Ágústsson ([email protected]) og Jensína K. Böðvarsdóttir ([email protected]).