Sérfræðingur í gagnavöruhúsum
Hjá Mannauðslausnum starfar öflugur hópur sérfræðinga með áralanga reynslu af ráðgjöf og þróun mannauðslausna. Nú leitum við að reynslumiklum sérfræðingi í gagnavöruhúsum í deildina Þróun og samþætting.
Starfssvið
Í starfinu felst viðhald og þróun á gagnavöruhúsi einnar af lausnum okkar með það að markmiði að byggja upp trausta og sveigjanlega grunnlausn fyrir allt vöruframboð Mannauðslausna. Lögð er áhersla á gæði og skalanleika.
Þú munt vinna náið með þróunarteymi, vörustjórum og öðrum fagaðilum þar sem lögð er áhersla á gott teymisstarf, sjálfstæði og frumkvæði.
Mannauðslausnir
Mannauðslausnir Advania þróa og þjónusta lausnir sem hjálpa vinnuveitendum að auka árangur og ánægju starfsfólks og stjórnenda. Hjá okkur starfar öflugur hópur sérfræðinga með áratuga reynslu af þróun og ráðgjöf á sviði launa- og mannauðsmála.
Þekking og reynsla
- Háskólamenntun í tölvunarfræði eða hugbúnaðarverkfræði
- 5+ ára reynsla af þróun gagnavöruhúsa
- Krafa um þekkingu á SQL og Azure
- Þekking á Power BI og OLAP kostur
- Góð íslensku- og enskukunnátta
- Gott skipulag, frumkvæði og sjálfstæði í vinnubrögðum
- Jákvæðni og hæfni í mannlegum samskiptum
- Færni og vilji til að tileinka sér nýja þekkingu og vinnubrögð
Ef þú hefur áhuga á starfinu en uppfyllir ekki allar kröfur um menntun eða reynslu hvetjum við þig samt sem áður til að sækja um. Þú gætir verið rétti einstaklingurinn sem við leitum að í þetta eða annað starf.
English
Icelandic
