Yfirkennari og fræðslustjóri í gervigreind

Um Javelin AI: Javelin AI aðstoðar einstaklinga sem og fyrirtæki við að nýta gervigreind. Við sérhæfum okkur í notkun mállíkana (LLM) á borð við ChatGPT, Gemini og Claude. Starfsemin okkar snýr að því að hanna og halda námskeið og vinnustofur, greina og endurbæta verkferla og þróa og styðja við teymi í að tileinka sér ný vinnubrögð á öruggan og skilvirkan hátt.

Um starfið: Við leitum að drífandi og metnaðarfullum einstaklingi með brennandi áhuga á menntun og miðlun þekkingar.

Þú hefur ekki aðeins djúpa þekkingu á gervigreind heldur hefur þú framúrskarandi hæfni til að kynna tæknileg viðfangsefni á aðgengilegan og hvetjandi hátt. Sem fræðslustjóri munt þú leiða þróun á fræðslustarfi Javelin AI, móta kennsluaðferðir, tryggja gæði alls námsefnis og verður einnig leiðbeinandi á námskeiðum og vinnustofum.

Helstu verkefni og ábyrgð:

• Mótun og yfirumsjón með fræðslustarfi Javelin AI.
• Gæðastjórnun og stöðug þróun á námsefni og kennsluaðferðum.
• Vera í forsvari fyrir kennslu á vegum fyrirtækisins, flytja námskeið og vinnustofur af öryggi og færni og vera fyrirmynd annarra leiðbeinenda.
• Vera andlit og fagleg rödd Javelin AI út á við í fræðslumálum. Koma fram á viðburðum, skrifa greinar og taka virkan þátt í umræðu til að byggja upp ímynd fyrirtækisins sem leiðtoga á sínu sviði.

Menntunar- og hæfniskröfur:

• Þú býrð yfir djúpri þekkingu og brennandi áhuga á gervigreind, þar með talið hagnýtri reynslu af nýjustu mállíkönum á borð við ChatGPT, Gemini og Claude.
• Þú hefur staðgóða reynslu og/eða menntun í kennslu, fræðslustjórnun eða kennslufræðum.
• Þú hefur framúrskarandi færni í miðlun og framsögn og getur útskýrt flókin viðfangsefni á einfaldan og aðgengilegan hátt.
• Þú ert drifin/n/ð áfram af árangri, sýnir frumkvæði og hefur metnað til að byggja upp framúrskarandi fræðslustarf.
• Þú hefur góðan skilning á þörfum atvinnulífsins og reynslu af því að greina fræðsluþarfir.

Við bjóðum:

• Einstakt tækifæri til að starfa á framlínu gervigreindarbyltingarinnar á Íslandi.
• Lykilhlutverk í að móta og leiða fræðslustarf spennandi fyrirtækis.
• Sveigjanlegan og nútímalegan vinnustað þar sem nýjar hugmyndir eru vel þegnar.
• Tækifæri til að hafa raunveruleg áhrif á þekkingarstig íslenskra fyrirtækja.
• Samkeppnishæf laun.

Aðrar upplýsingar:

Umsóknarfrestur er til og með 3. september 2025. Nánari upplýsingar veitir Kristján Gíslason, í gegnum netfangið [email protected]. Við hvetjum öll sem eru áhugasöm til að sækja um.