Viðskiptastjóri - Key Account Manager

Blue Lagoon Skin Science leitar að drífandi og metnaðarfullum einstaklingi í starf Viðskiptastjóra (Key Account Manager). Viðskiptastjóri mun koma að uppbyggingu og þróun viðskiptasambanda á Íslandi með það að markmiði að efla vörumerkið, tryggja vöxt og hámarka árangur hjá viðskiptavinum. Um er að ræða fjölbreytt og krefjandi starf þar sem lögð er áhersla á góð samskipti, frumkvæði og sjálfstæði í vinnubrögðum.

Helstu verkefni:

• Greina og þróa ný sölutækifæri
• Byggja upp og efla tengsl við nýja og núverandi viðskiptavini
• Hafa frumkvæði að og framfylgja söludrifnum aðgerðaráætlunum
• Ber ábyrgð á uppsetningu og eftirfylgni á útsölustöðum ásamt því að tryggja góða þjónustu og upplýsingagjöf til viðskiptavina
• Ábyrgð á gerð þjálfunarefnis og þjálfun
• Skipuleggja og taka þátt í vörukynningum, viðburðum og ráðstefnum
• Önnur tilfallandi verkefni

Menntunar- og hæfniskröfur:

• Reynsla af sambærilegu starfi
• Brennandi áhugi á húðvörum
• Frumkvæði, drifkraftur og framúrskarandi samskiptahæfni
• Lausnamiðaður, faglegur og með sterka þjónustulund
• Jákvæðni og áreiðanleiki í starfi
• Menntun sem nýtist í starfi, snyrtifræðimenntun er kostur
• Góð íslensku- og enskukunnátta

Umsóknarfrestur er til og með 12.apríl

Blue Lagoon Skin Science er lifandi, skemmtilegur og fjölbreyttur vinnustaður þar sem áhersla er lögð á sífellda þróun og nýsköpun. Með framúrskarandi samvinnu allra starfsmanna er markmiðið að skapa einstaka upplifun fyrir gesti.