Laus störf Hæfnileit Vinnustaðir Námskeið

Vistor

Markmið Vistor er að vera ákjósanlegasti samstarfsaðilinn á íslenska lyfjamarkaðinum, í huga viðskiptavina, birgja, starfsmanna og samfélagsins.

Vinnustaðurinn

Viðskiptastjóri hjá Vistor

Vistor leitar að drífandi og metnaðarfullum einstaklingi í starf viðskiptastjóra.

Við leitum að einstaklingi sem hefur gaman af samskiptum, vill byggja upp sterk tengsl og hefur metnað fyrir árangri og að hafa áhrif. Starfið felur í sér markaðssetningu og sölu lyfja ásamt uppbyggingu traustra tengsla við heilbrigðisstarfsfólk. Þú munt vinna náið með heilbrigðisstarfsfólki, samstarfsaðilum og alþjóðlegum birgjum við að miðla þekkingu, þróa viðskiptasambönd og skapa ný tækifæri.

Hvort sem þú ert nýútskrifaður nemi eða með reynslu að baki skiptir mestu máli að þú sért forvitin/n, lausnamiðuð/lausnamiðaður og tilbúin/n að læra, taka frumkvæði og ná árangri í góðu teymi.

Helstu verkefni og ábyrgð

Stýra og þróa markaðs- og viðskiptastarf á sviði frumlyfja
Byggja upp og efla traust tengsl við heilbrigðisstarfsfólk og aðra hagsmunaaðila
Miðla faglegri þekkingu með fundum, kynningum, ráðstefnum og fræðsluverkefnum
Greina og þróa ný tækifæri og taka virkan þátt í viðskiptaþróun

Menntunar- og hæfniskröfur

Háskólamenntun á heilbrigðissviði
Framúrskarandi samskipta- og tengslamyndunarhæfni
Frumkvæði, drifkraftur, lausnamiðað hugarfar og metnaður til að ná árangri
Áhugi á heilbrigðismálum og löngun til að skapa verðmæti fyrir viðskiptavini
Áhugi á að nýta sjálfvirkni og stafrænar lausnir til að bæta ferla og auka árangur
Góð íslensku- og enskukunnátta í ræðu og riti

Umsóknarfrestur er til og með 16. október 2026, æskilegt er að viðkomandi geti hafið störf sem fyrst.

Umsókn skal fylgja ítarleg ferilskrá og kynningarbréf þar sem fram koma ástæður þess að sótt er um starfið og rökstuðningur fyrir hæfni viðkomandi til starfsins.

Vistor hf. er leiðandi fyrirtæki á sviði markaðssetningar á lyfjum og heilsuvörum á Íslandi. Hjá fyrirtækinu starfa um 50 einstaklingar. Fyrirtækið er samstarfsaðili fjölmargra alþjóðlegra lyfjafyrirtækja og veitir þeim þjónustu við skráningar, sölu- og markaðsmál og klínískar rannsóknir, auk þess að hafa milligöngu um innflutnings- og dreifingarstarfsemi.

Auglýsing birt9. október 2026

Umsóknarfrestur16. október 2026

Tungumálahæfni