Verkstjóri í matvælavinnslu

Íslensk hollusta leitar að öflugum, röskum og drífandi einstaklingi til að stýra daglegri framleiðslu fyrirtækisins. Við leitum að verkstjóra sem gengur beint í framleiðsluverkin og leiðir annað starfsfólk áfram með markvissri stjórnun og góðu fordæmi.

Framleiðsla okkar skiptist í þurrvöru og blautvöru þar sem við vinnum og pökkum hágæða íslensku hráefni úr sjó og af landi, ásamt því að framleiða fjölbreytta jurtadrykki. Vinnuumhverfið er kvikt og kallar á mikinn röskleika, skýra sýn og getu til að taka ákvarðanir fljótt og örugglega.

Helstu verkefni:

• Virk þátttaka og verkstjórn á gólfi í öllum skrefum framleiðslunnar, bæði í þurr- og blautvinnslu (vinnsla, blöndun, átöppun, pökkun, merkingar og frágangur).

• Skipulagning framleiðslu, aðfanga og eftirlit með öryggisbirgðum

• Greining og skjót viðbrögð við frávikum sem kunna að koma upp í framleiðsluferlinu.

• Virk þátttaka í vöruþróun, frá hugmynd að lokaafurð.

• Gæðaeftirlit til að tryggja að ströngustu hreinlætis- og gæðakröfum sé fylgt í hvívetna.

• Skráning gagna og almenn tölvuvinna tengd framleiðslu og birgðastýringu.

Hæfniskröfur:

• Framúrskarandi hæfileikar í mannlegum samskiptum

• Reynsla af verkstjórn og færni til að stýra fólki og ferlum á árangursríkan og faglegan hátt.

• Reynsla úr matvæla- eða drykkjaframleiðslu er mikill kostur.

• Reynsla af vélavinnu, og almennu viðhaldi

• Góð almenn tölvukunnátta.

• Ríkt frumkvæði, lausnamiðuð hugsun og mikil sjálfstæði í vinnubrögðum.

• Geta til að skila af sér vönduðu verki og halda yfirsýn undir álagi.

Við bjóðum:

• Líflegt og fjölbreytt starf í ört vaxandi fyrirtæki sem vinnur með íslenska náttúru.

• Tækifæri til að hafa raunveruleg áhrif á framleiðsluferla, vöruþróun og daglegan rekstur.

• Metnaðarfullan vinnustað þar sem lagt er upp með fagmennsku, samvinnu og árangur.