Verkstjóri í Framleiðslu og Pökkun

Ertu góður í að halda utan um fólk, vélar og framleiðslu – og láta hlutina ganga?

Góa-Linda leitar að öflugum verkstjóra í framleiðslu og pökkun. Við leitum að einstaklingi sem kann að stjórna, er úrræðagóður og hefur gaman af því að vera þar sem hlutirnir gerast.

Sem verkstjóri ertu lykilmaður í daglegum rekstri. Þú heldur utan um starfsfólk og verkefni, tryggir að framleiðslan gangi vel og bregst við þegar eitthvað óvænt kemur upp.

Þetta er ekki starf þar sem þú stjórnar úr fjarlægð. Við leitum að verkstjóra sem er sýnilegur í framleiðslunni, þekkir fólkið sitt og hefur góða yfirsýn yfir það sem er að gerast hverju sinni. Einstaklingi sem tekur ábyrgð, leysir málin og fær fólk með sér.

Þú vinnur náið með framleiðslustjóra og færð tækifæri til að hafa áhrif á daglegan rekstur og áframhaldandi þróun framleiðslunnar.

Helstu verkefni og ábyrgð

Dagleg verkstjórn í framleiðslu og pökkun
Skipulagning verkefna og mannafla
Leiðsögn, stuðningur og þjálfun starfsfólks
Undirbúningur, stillingar og gangsetning framleiðslu- og pökkunarbúnaðar
Eftirlit með framleiðslu, afköstum, gæðum og rýrnun
Að tryggja að verkferlum, hreinlæti og góðri umgengni sé fylgt
Að leysa úr þeim málum sem koma upp í daglegum rekstri
Umsjón með vélum og tilfallandi viðhaldi
Þátttaka í umbótum og þróun á framleiðslu
Að finna leiðir til að einfalda vinnu, bæta flæði og auka afköst

Menntunar- og hæfniskröfur

Reynsla af verkstjórn og starfsmannahaldi
Drifkraftur, áræðanleiki og stundvísi
Vélvirkja / Rafvirkja menntun eða álíka æskileg
Íslensku og Enskukunnátta
Lyftararéttindi eru æskileg
Tölvukunnátta er nauðsynleg
Hreint sakarvottorð

Hverjum erum við að leita að?

Við leitum að einstaklingi sem á auðvelt með að vinna með fólki en er jafnframt ákveðinn og getur tekið ákvarðanir þegar þess þarf.

Þú þarft að geta haldið yfirsýn þegar mikið er að gera, forgangsraðað verkefnum og verið tilbúinn að taka til hendinni með fólkinu þegar aðstæður kalla á það.

Við horfum sérstaklega til þess að þú:

Hafir reynslu af verkstjórn, starfsmannahaldi eða sambærilegu starfi
Sért skipulagður, ábyrgur og lausnamiðaður
Eigir auðvelt með samskipti og að fá fólk með þér
Hafir tæknilegt innsæi og áhuga á vélum og búnaði
Sért fljótur að bregðast við og getir tekið ákvarðanir
Sjáir tækifæri til umbóta og komir hugmyndum í framkvæmd
Hafir góða íslensku- og enskukunnáttu
Hafir góða almenna tölvukunnáttu

Menntun eða reynsla á sviði vélvirkjunar, rafvirkjunar eða sambærilegra greina er kostur. Lyftararéttindi eru einnig kostur.

Af hverju Góa-Linda?

Góa-Linda er rótgróið íslenskt framleiðslufyrirtæki og vörurnar okkar hafa verið hluti af íslenskri sælgætismenningu í áratugi.

Þó að sagan sé löng horfum við alltaf fram á við. Við erum framsýnt fyrirtæki í stöðugri þróun, bæði hvað varðar vörurnar sem við framleiðum og tæknina á bak við framleiðsluna.

Við fjárfestum reglulega í nýrri tækni, þróum nýjar vörur og leitum stöðugt leiða til að gera framleiðsluna betri og skilvirkari. Það þýðir að starfið snýst ekki bara um að halda utan um það sem þegar er til staðar – heldur líka um að taka þátt í því sem kemur næst.

Við viljum því fá til okkar verkstjóra sem vill taka virkan þátt í þessari þróun, koma með hugmyndir og hafa metnað til að bæta hlutina.

Markmiðið er ekki bara að halda framleiðslunni gangandi – heldur að þróa hana áfram.

Vinnutími:

Um fullt starf er að ræða í Garðabæ.Vinnutími er 07:00–17:00 mánudaga til fimmtudaga og 07:00–16:00 á föstudögum.

Ef þú hefur reynslu af því að stjórna fólki, hefur áhuga á framleiðslu og tækni og vilt taka þátt í að þróa íslenskt framleiðslufyrirtæki áfram, þá viljum við heyra frá þér.

Auglýsing birt12. ágúst 2026

Umsóknarfrestur31. ágúst 2026

Tungumálahæfni