Laus störf Hæfnileit Vinnustaðir Námskeið

Háskólinn á Bifröst

Háskólinn á Bifröst hefur í meira en hálfa öld menntað fólk til áhrifa og ábyrgðar í íslensku samfélagi. Háskólinn leggur áherslu á samþættingu fræða og framkvæmdar og hefur verið leiðandi hér á landi í uppbyggingu og þróun stafrænnnar menntunar á háskólastigi.

Vinnustaðurinn

Verkefnastjóri þróunar fjarnáms og kennslukerfa

Háskólinn á Bifröst leitar að öflugum og framsæknum verkefnastjóra til starfa í 100% stöðu. Um er að ræða fjölbreytt og krefjandi starf þar sem áhersla er lögð á þróun stafrænnar kennslu, fjarnáms og kennslukerfa. Starfið er tvíþætt: annars vegar felur það í sér umsjón og þróun kennslukerfa og hins vegar þátttöku í þróun fjarnáms ásamt stuðningi við kennara í stafrænu kennsluumhverfi.
Starfsstöðvar háskólans eru í Reykjavík og á Hvanneyri. Æskilegt er að viðkomandi geti hafið störf sem fyrst.

Helstu verkefni og ábyrgð

Þróun á kennslukerfi háskólans (Canvas).
Innleiðing og eftirfylgni breytinga á kennslukerfi háskólans.
Þróun og innleiðing lausna í stafrænum kennsluháttum og fjarnámi.
Þróun og innleiðing breytinga í próffræðum í stafrænu umhverfi.
Tæknileg og fagleg aðstoð við kennara, m.a. varðandi upptökur á fyrirlestrum og miðlun kennsluefnis.
Önnur tilfallandi verkefni í samráði við framkvæmdastjóra kennslu og upplýsingatæknisviðs.

Starfsmaður skal í störfum sínum fylgja reglugerð Háskólans á Bifröst, gæðahandbók háskólans og skriflegum tilskipunum og leiðbeiningum á hverjum tíma.

Menntunar- og hæfniskröfur

Meistaranám á sviði menntunarfræða eða á öðru sviði sem nýtist í starfi.
Reynsla af þróun á kennslu og/eða prófakerfum er kostur.
Góð almenn tölvuþekking og þekking á stafrænum kennsluháttum.
Reynsla af kennslu og þekking á háskólasamfélaginu er kostur.
Menntun eða reynsla af upplýsingatækni í kennslu og námi er kostur.
Góð hæfni í stýringu verkefna og skipulagshæfni.
Frumkvæði, sjálfstæð vinnubrögð og rík þjónustulund.
Góð samskiptahæfni og færni til að vinna með fjölbreyttum hópum.
Góð íslensku og ensku kunnátta bæði í rituðu og töluðu máli.

Með umsókn skal fylgja ferilskrá ásamt kynningarbréfi, þar sem gert er grein fyrir ástæðu þess að sótt er um starfið og rökstuðningur fyrir hæfni viðkomandi í starfið auk afrita af prófskírteinum.

Umsóknarfrestur er til og með 16. apríl 2026 og skulu umsóknir berast í gegnum alfred.is. Við hvetjum alla einstaklinga, óháð kyni, til þess að sækja um. Farið verður með allar umsóknir sem trúnaðarmál og verður þeim öllum svarað að ráðningu lokinni.

Nánari upplýsingar veitir Halldóra Lóa Þorvaldsdóttir, framkvæmdastjóri kennslu og upplýsingatæknisviðs, [email protected].

Auglýsing birt26. mars 2026

Umsóknarfrestur16. apríl 2026

Tungumálahæfni