Verkefnastjóri/sérfræðingur
Þjónustusvið Vegagerðarinnar leitar eftir öflugum einstaklingi til að sinna verkefnastjórn og sérfræðiráðgjöf á vegaþjónustudeild. Starfsmaður gegnir hlutverki öryggisfulltrúa jarðganga. Vegagerðin er ábyrgðaraðili 12 jarðganga á Íslandi og er ábyrgð á daglegum rekstri þeirra á höndum Vegagerðarinnar á viðkomandi svæði. Þjónustusvið Vegagerðarinnar ber ábyrgð á öryggismálum og samræmingu á rekstri allra jarðganga. Þjónustusvið Vegagerðarinnar ber einnig ábyrgð á samræmingu og þróun í rekstri vegakerfisins auk upplýsingagjafar því tengdu.
Á þjónustusviði starfa um 55 starfsmenn á fjórum deildum sem eru: Almenningssamgöngur, tækjabúnaðardeild, vöktun og upplýsingar og vegaþjónusta. Starfið er auglýst án staðsetningar þar sem Vegagerðin er með svæðisstöðvar í öllum landsfjórðungum.
- Yfirábyrgð og eftirlit með fjármagni til reksturs og þjónustu jarðganga á landsvísu.
- Gegnir hlutverki öryggisfulltrúa jarðganga með ábyrgð á verklagsreglum, áhættumati, viðbragðsáætlunum og eftirfylgni öryggismála.
- Samstarf við neyðaraðila og hefur umsjón með skipulagi og framkvæmd öryggisæfinga í jarðgöngum og einnig fyrir aðra hluta vegakerfisins.
- Samstarf við viðbragðasaðila á landsvísu og kemur að gerð viðbragðsáætlana og öðrum verkefnum í rekstri samgöngukerfis.
- Ábyrgð á samræmingu og forgangsröðun verkefna í samræmi við áhættumat og rekstrarþörf jarðganga.
- Þátttaka í þróun framtíðarsýnar, tækniþróun og umbótaverkefnum á sviði öryggis og reksturs jarðganga.
- Verkfræðingur, tæknifræðingur eða önnur háskólamenntun sem nýtist í starfi.
- Meistarapróf kostur.
- Reynsla af verkefnastjórnun og áætlanagerð.
- Þekking og reynsla af ferlavinnu og hagnýtingu hugbúnaðar kostur.
- Þekking og skilningur á tækjavinnu, rekstrar- og öryggsmálum.
- Hæfni til ákvarðanatöku, eftirfylgni og að vinna sjálfstætt.
- Skipulagshæfni, frumkvæði og metnaður í starfi.
- Framúrskarandi hæfni í mannlegum samskiptum.
- Góð íslensku- og enskukunnátta í rituðu og töluðu máli.
Íslenska
Enska
