Laus störf Hæfnileit Vinnustaðir Námskeið

Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Úttektarfulltrúi

Deild byggingarmála veitir borgarbúum, borgarfulltrúum, ráðgjöfum, hönnuðum og verktökum upplýsingar og ráðgjöf um byggingarmál. Auk þess vinnur deildin úr erindum sem berast byggingarfulltrúa, annast yfirferð aðal- og séruppdrátta, útgáfu byggingarleyfa, eftirlit með byggingarleyfiskyldum framkvæmdum og annast samráð við opinbera umsagnaraðila, almenning og aðra hagaðila skv. ákvæðum laga og reglugerða.

Við leitum að einstaklingi til að sinna úttektum og skoðunum fyrir byggingarleyfisskyldar framkvæmdir. Í þeim er haft eftirlit með því að þær séu gerðar samkvæmt byggingarreglugerð og gæðakerfi byggingafulltrúa og að frágangur þeirra og umhverfi sé til samræmis við samþykkt gögn, skilmála, lög og reglugerðir og staðla sem þeim tengjast.

Helstu verkefni og ábyrgð

Öryggis- og lokaúttektir samkvæmt skoðunarlistum og gerð vottorða.
Stöðuúttektir, stöðuskoðanir og eftirlit framkvæmdastöðu.
Yfirferð ýmissa gagna í tengslum við byggingarleyfi og skráning efnisatriða og athugasemda í málaskrá.
Kröfur um úrbætur og ráðstafanir ef þarf til framkvæmda- og ábyrgðaraðila.
Ber ábyrgð á boðun úttekta, yfirferð gagna og eftirfylgni með fyrirmælum.
Ber ábyrgð á að vinna til samræmis við gæðakerfi byggingarfulltrúa, verklagsreglur, þjónustustefnu sviðsins, umhverfisvottun og samkvæmt öryggisstöðlum.

Menntunar- og hæfniskröfur

Menntun í byggingarverkfræði, byggingartæknifræði, byggingarfræði eða í sambærilegum tæknigreinum á háskólastigi og hafa viðeigandi löggildingu á starfssviði.
Ökuréttindi eru skilyrði.
Reynsla af störfum við byggingarframkvæmdir, eftirlit eða hönnun er skilyrði.
Metnaður og vilji til að takast á við mismunandi, fjölbreytt og krefjandi verkefni.
Samskiptahæfni, skipulagshæfni, nákvæmni og sjálfstæð vinnubrögð.
Tölvufærni í notkun á algengum hugbúnaði og geta til að tileinka sér notkun nýrra kerfa.
Íslenskukunnátta B1-C1 í samræmi við í samevrópska tungumálarammann og enskukunnátta B1.

Á umhverfis- og skipulagssviði er unnið að fjölbreyttum verkefnum sem auðga mannlífið í borginni.
Leiðarljós sviðsins eru aukin lífsgæði í Reykjavík með framúrskarandi þjónustu og metnað fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir.
Umhverfis- og skipulagssvið hefur innleitt 36 stunda vinnuviku og starfar eftir áherslum Reykjavíkurborgar um heilsueflingu á vinnustöðum og leggur áherslu á gagnkvæman sveigjanleika og að stuðla að jafnvægi milli vinnu og einkalífs.
Um er að ræða 100% starf og æskilegt er að starfsmaður geti hafið störf sem fyrst.
Launakjör eru samkvæmt kjarasamningi Reykjavíkurborgar og hlutaðeigandi kjarafélags.

Nánari upplýsingar um starfið veitir Silvá Kjærnested, deildarstjóri, [email protected].

Umsóknarfrestur er til og með 29. apríl 2026

Auglýsing birt20. apríl 2026

Umsóknarfrestur29. apríl 2026

Tungumálahæfni