Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Umsjónarmaður frístundar við Naustaskóla á Akureyri

Við Naustaskóla er laus til umsóknar 70% ótímabundin staða umsjónarmanns frístundar. Ráðið er í stöðuna frá 1. ágúst 2024. Vinnutími er frá kl. 11:00 – 16:15.

Í Naustaskóla er er lögð áhersla á jákvæðan aga, teymiskennslu, námsaðlögun og faglegt samstarf. Kennarar kenna saman á opnum svæðum og skapa saman lærdómssamfélag með sérstakri áherslu á að koma til móts við hvern og einn nemanda.

Einkunnarorð Naustaskóla eru „Námsaðlögun – Athvarf – Umhyggja – Samvinna – Táp og fjör – Allir með!“

Viltu vita meira? Kíktu í rafræna heimsókn www.naustaskoli.is

Helstu verkefni og ábyrgð

Umsjónarmaður frístundar ber faglega ábyrgð á starfsemi hennar og hefur umsjón með starfinu sem unnið er að skólatíma loknum.
Umsjónarmaður þarf að sjá um skráningar í tölvukerfi og vera í samvinnu við kennara yngstu nemenda skólans.
Umsjónarmaður ber ábyrgð á því að koma upplýsingum um starfsemi frístundar til foreldra.

Menntunar- og hæfniskröfur

Háskólamenntun (BA, BS, B.Ed) eða önnur menntun sem nýtist í starfi.
Reynsla af starfi með börnum.
Frumkvæði og samstarfsvilji.
Sveigjanleiki og víðsýni í starfi og samskiptum.
Góðir skipulagshæfileikar.
Hæfni í mannlegum samskiptum.
Reglusemi og samviskusemi.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Allar nánari upplýsingar veitir Bryndís Björnsdóttir skólastjóri í netfangi dis@akmennt.is eða í síma 4604101.

Upplýsingar um Naustaskóla má finna á heimasíðu skólans www.naustaskoli.is

Einungis er tekið á móti rafrænum umsóknum á heimasíðu Akureyrarbæjar: www.akureyri.is

Umsóknarfrestur er til og með 16. maí 2024.

Auglýsing stofnuð3. maí 2024

Umsóknarfrestur16. maí 2024

Tungumálakunnátta