Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Þróunarfulltrúi grunnskóla - Mennta- og lýðheilsusvið

Þróunarfulltrúi grunnskóla – spennandi tækifæri í menntamálum Hafnarfjarðar

Hafnarfjarðarbær leitar að kraftmiklum og faglega sterkum einstaklingi til að gegna stöðu þróunarfulltrúa grunnskóla. Ef þú hefur ástríðu fyrir skólaþróun, metnaðarfullri stefnumótun og faglegri leiðsögn skólastjórnenda, þá gæti þetta verið starfið fyrir þig!

Ef þú vilt hafa bein áhrif á þróun skólamála í Hafnarfirði, menntun og farsæld barna- og ungmenna þá gæti starfið hentað þér. Á mennta - og lýðheilsusviði er unnið metnaðarfullt starf þar sem er tækifæri til símenntunar og faglegrar þróunar, sveigjanleiki og spennandi verkefni eru unnin.

Helstu verkefni og ábyrgð:

Umsjón og stuðningur við skólaþróun
Fagleg leiðsögn og stefnumótun grunnskólamála
Ráðgjöf við skólastjórnendur í kennslufræðum og þróunarverkefnum
Mat á skólastarfi og stuðningur við úrbætur
Tengsl við innlenda og erlenda aðila til að efla faglegt samstarf og þróun skólastarfs
Upplýsingaöflun og miðlun um skólamál til menntayfirvalda og bæjarbúa
Umsjón með upplýsingatækni í skólastarfi, spjaldtölvunotkun og þróun kennsluforrita
Þátttaka í áætlanagerð, skýrslugerð og stjórnsýslulegum verkefnum
Önnur verkefni samkvæmt starfslýsingu

Menntunar- og hæfniskröfur:

Leyfisbréf til kennslu (leyfisbréf fylgi umsókn)
Framhaldsmenntun á sviði uppeldis- og menntunarfræða og/eða stjórnunar
Reynsla af kennslu í grunnskóla
Reynsla af stjórnun eða stjórnsýslu skólamála
Þekking á lögum og regluverki grunnskóla
Hæfni í ráðgjöf, verkefnastjórnun og stefnumótunarvinnu
Mjög góð færni í íslensku í ræðu og riti, ásamt ensku og/eða öðru norrænu tungumáli
Leikni í notkun skrifstofu- og upplýsingatækniforrita (Word, Excel o.fl.)
Hæfni í samvinnu, samskiptum og jákvæðni í mannlegum samskiptum

Umsóknarfrestur er til og með 17. mars 2025.

Frekari upplýsingar veitir Fanney Dóróthe Halldórsdóttir, sviðsstjóri mennta- og lýðheilsusviðs á [email protected]

Með umsókn skal fylgja ferilskrá og ítarlegt kynningarbréf.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing birt25. febrúar 2025

Umsóknarfrestur17. mars 2025

Tungumálahæfni