Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Þroskaþjálfi - ráðgjafi í málefnum fatlaðs fólks

Félagsþjónusta velferðarsviðs Akureyrarbæjar óskar eftir að ráða þroskaþjálfa í starf ráðgjafa í sérhæfða félagsþjónustu (málaflokk fatlaðra). Um er að ræða tímabundna afleysingu í 80-100% stöðu með sveigjanlegum dagvinnuvinnutíma, frá júní 2025 til 1. maí 2026. Kostur er ef viðkomandi getur hafið störf sem fyrst.

Á velferðarsviði Akureyrarbæjar er rekin fjölbreytt velferðarþjónusta. Hlutverk sviðsins er að bjóða upp á ráðgjöf og beita úrræðum auk þess sem sviðið rekur þjónustukjarna og vinnustaði fyrir fatlað fólk.

Á Velferðarsviði er starfað eftir hugmyndafræði valdeflingar og þjónandi leiðsagnar.

Helstu verkefni og ábyrgð

Ráðgjöf til einstaklinga sem þurfa sértæka félagsþjónustu vegna fötlunar.
Sértæk ráðgjöf og stuðningur til foreldra og annarra aðstandenda fatlaðra.
Tengiliður við barna- og skólaþjónustu, tekur við málefnum fatlaðra barna er þau verða 18 ára.
Er málastjóri í málum þar sem þörf er á samhæfðri þjónustu vegna fötlunar. Annast þá samþættingu við fleiri svið og deildir Akureyrarbæjar sem og aðrar þjónustustofnanir fyrir fatlaða.
Veitir sérhæfða ráðgjöf varðandi náin samskipti.
Situr í einhverfuteymi og leiðir úrræði og ráðgjöf fyrir þann hóp.

Menntunar- og hæfniskröfur

Starfsréttindi sem þroskaþjálfi á Íslandi er skilyrði.
Viðbótarmenntun á sviði ráðgjafar er æskileg.
Reynsla af vinnu með fötluðu fólki er nauðsynleg.
Þekking og reynsla af starfi í félagsþjónustu er kostur.
Reynsla af vinnu í skjalakerfinu ONE er kostur.
Gerð er krafa um frumkvæði og sjálfstæði í vinnubrögðum.
Lipurð í samskiptum, jákvæðni og sveigjanleika.
Góð samskiptahæfni er nauðsynleg.
Góð íslenskukunnátta bæði í töluðu og rituðu máli.
Góð enskukunnátta bæði í töluðu og rituðu máli.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja staðfesting á starfsréttindum og greinargóðar upplýsingar um störf umsækjanda, menntun og starfsreynslu ásamt greinargóðum upplýsingum um þau verkefni sem hann hefur unnið að og varpað geta ljósi á færni hans til að sinna starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Halldóra K. Hauksdóttir, forstöðumaður félagsþjónustu, [email protected] eða í síma 460 1000.

Einungis er tekið á móti rafrænum umsóknum.

Umsóknarfrestur er til og með 1. júní 2025

Auglýsing birt22. maí 2025

Umsóknarfrestur1. júní 2025

Tungumálahæfni