Þjónustustjóri hjá Eimskip Akureyri

Eimskip leitar að öflugum þjónustustjóra til að ganga til liðs við teymið á Akureyri. Um er að ræða mikilvægt stjórnendahlutverk þar sem áhersla er lögð á leiðtogahæfni, mannauðsmál, þjónustu og árangursríkan rekstur. Þjónustustjóri vinnur náið með svæðisstjóra og verkstjórum að því að efla starfsfólk, bæta þjónustu og tryggja skilvirkan rekstur.

Fyrir réttan aðila er í boði fjölbreytt, áhugavert og krefjandi starf með margvíslegum tækifærum. Í anda jafnréttisstefnu Eimskips eru öll kyn hvött til að sækja um.

Helstu verkefni og ábyrgð:

• Styðja við og leiða verkstjóra og starfsfólk í vöruhúsi og akstri
• Tryggja skýra forgangsröðun og vandaða framkvæmd verkefna sem skilar árangri í þjónustu og rekstri
• Leiða, efla og þróa verkstjóra og starfsfólk og byggja upp öflugt, samstillt teymi
• Tryggja að mönnun og vaktaplan sé í samræmi við rekstrarþarfir og þjónustustig
• Fylgja eftir frammistöðu, greina niðurstöður og leiða umbótaverkefni
• Viðhalda og bæta verkferla til að tryggja samræmi og gæði í vinnubrögðum
• Efla öryggisvitund starfsfólks og stuðla að öruggu starfsumhverfi
• Viðhalda góðum samskiptum við viðskiptavini og samstarfsaðila
• Vinna í nánu samstarfi við svæðisstjóra að áframhaldandi þróun starfseminnar

Hæfniskröfur

• Reynsla af mannauðsmálum, stjórnunar- eða leiðtogahlutverki.
• Reynsla af rekstri vöruhúss, dreifingar eða sambærilegu umhverfi er kostur
• Reynsla af frammistöðustjórnun og eftirfylgni er kostur.
• Framúrskarandi samskiptahæfni og hæfni til að byggja upp sterkt teymi
• Góð tölvukunnátta og gott vald á íslensku og ensku

Hvað bjóðum við?

• Fjölbreytt verkefni og góðan starfsanda í samhentu teymi þar sem áhersla er á jafnrétti, heilsu og vellíðan starfsfólks.
• Tækifæri til að móta ferla, bæta þjónustu og hafa sýnileg áhrif á árangur
• Öflugt starfsmannafélag og aðgang að orlofshúsum víðs vegar um landið
• Heilsu- og hamingjupakka sem m.a. inniheldur samgöngustyrk, líkamsræktarstyrk, styrk fyrir sálfræðiþjónustu og krabbameinsskoðun
• Nútímalega vinnuaðstöðu og sveigjanlegt, fjölskylduvænt vinnuumhverfi