Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 25 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 3500 sérfræðingar í upplýsingatækni.

Vinnustaðurinn

Tæknimaður í þjónustuteymi á Norðurlandi

Við leitum að öflugum og áhugasömum einstaklingi til að ganga til liðs við tækniþjónustuteymi okkar á Norðurlandi. Starfssvæði er aðallega frá Akureyri að Blönduósi.

Um starfið

Starfið felst í tækniþjónustu við viðskiptavini okkar í gagnaverum ásamt almennri þjónustu á tölvubúnaði. Verkefnin eru fjölbreytt og krefjast sjálfstæðra vinnubragða, greiningarhæfni og góðrar skipulagshæfni.

Helstu verkefni

Uppsetning, bilanagreining og lausn vandamála í vélbúnaði í gagnaverum
Uppsetning og viðhald á öðrum tölvubúnaði
Umsýsla og meðhöndlun vara og aukahluta í tölvubúnað
Samskipti við viðskiptavini, birgja og samstarfsaðila

Hæfniskröfur

Brennandi áhugi á upplýsingatækni
Sjálfstæði í vinnubrögðum og skipulagshæfni
Greiningarfærni og lausnamiðuð hugsun
Gott vald á ensku í töluðu og rituðu máli
Gilt ökuskírteini
Hreint sakavottorð

Kostir

Þekking á gagnaverum og innviðum þeirra er mikill kostur
Vottanir í eða reynsla af bilanagreiningu á netþjónum, tölvu- og hugbúnaði er kostur

Við bjóðum

Formlega þjálfun og vottun í tæknibúnaði og þjónustu
Tækifæri til að vinna með öflugu og samhentu teymi
Sveigjanleika og fjölbreytt verkefni á spennandi starfssvæði

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 15. október 2025
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánri upplýsingar veitir Steven James Dolan, þjónustustjóri, [email protected] / 4409000

Auglýsing birt1. október 2025

Umsóknarfrestur15. október 2025

Tungumálahæfni

Engar sérstakar tungumálakröfur

Staðsetning

Austursíða 6, 603 Akureyri

Starfstegund

Starfsgreinar

Starfsmerkingar

Fleiri störf (2)