Sviðsstjóri
Harpa leitar að skipulögðum og lausnamiðuðum leiðtoga til að stýra daglegri vinnu sviðsdeildar. Um er að ræða lykilstöðu í framkvæmd viðburða þar sem áhersla er á verkstjórn, teymisstjórnun og skipulag. Viðkomandi ber ábyrgð á því að uppsetningar, niðurtektir og skiptingar milli viðburða gangi hratt, örugglega og faglega fyrir sig.
Starfið er fyrst og fremst stjórnunar- og skipulagsstaða, en krefst jafnframt góðs tæknilegs skilnings og getu til að taka þátt í verklegri vinnu eins og þörf krefur.
Vinnutími að mestu reglulegur í dagvinnu en getur þó kallað á viðveru á öðrum tíma í tengslum við stærri viðburði.
Harpa býður upp á lifandi og fjölbreytt starfsumhverfi þar sem fagmennska, samvinna og metnaður eru í fyrirrúmi.
• Yfirumsjón með skipulagningu, uppsetningu og niðurtekt sviðsbúnaðar
• Verkstjórn og dagleg stýring sviðsmanna, tæknifólks og verktaka
• Skipulag skiptinga milli viðburða og samræming verkefna þvert á teymi
• Samskipti við verkefnastjóra, viðskiptavini og aðra samstarfsaðila
• Ábyrgð á öryggismenningu, verklagi, skilvirkni og gæðum vinnu
• Umsjón og viðhald sviðsbúnaðar
• Reynsla af verkstjórn og skipulagi verkefna
• Umtalsverð reynsla af vinnu við sviðs- eða viðburðatækni
• Góð þekking á ljósa- og hljóðbúnaði
• Sterk samskiptafærni og leiðtogahæfileikar
• Sjálfstæði, skipulagshæfni og geta til að vinna undir álagi
• Gott vald á íslensku og ensku
Íslenska
Enska
