Laus störf Hæfnileit Vinnustaðir Námskeið

Eimskip

Hlutverk Eimskips er að veita áreiðanlegar heildarlausnir í flutningum á sjálfbæran hátt með árangur viðskiptavina að leiðarljósi. Við höfum verið traustur samstarfsaðili í alþjóðlegum flutningum frá árinu 1914 og rekum 56 skrifstofur í 20 löndum með um 1.700 starfsmönnum. Við tryggjum viðskiptavinum okkar áreiðanlegar heildarlausnir í flutningum meðal annars með áætlunarsiglingum og rekstri gáma- og frystiskipa í Norður-Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun. Hjá Eimskip er lögð sérstök áhersla á að skapa jákvæða menningu með sterkri liðsheild, tækifærum til þróunar, hvatningu til að sýna frumkvæði, opnum skoðanaskiptum og góðri miðlun upplýsinga.

Vinnustaðurinn

Svæðisstjóri Eimskips á Norðurlandi

Eimskip leitar að metnaðarfullum og öflugum svæðisstjóra til starfa á Norðurlandi.

Hjá Eimskip á Norðurlandi starfar samhentur hópur sem sinnir fjölbreyttum og skemmtilegum verkefnum á sviði innanlandsflutninga, auk þjónustu tengdri inn- og útflutningi fyrir viðskiptavini á svæðinu.

Um er að ræða ábyrgðarmikið og fjölbreytt starf þar sem svæðisstjóri leiðir daglegan rekstur starfsstöðvar Eimskips á Akureyri ásamt því að hafa yfirumsjón með afgreiðslustöðum félagsins á Dalvík, Ólafsfirði og Siglufirði.

Starfsstöð svæðisstjóra er á Akureyri.

Helstu verkefni og ábyrgð

Ábyrgð á daglegum rekstri
Þjónusta við viðskiptavini
Umsjón með starfsmannamálum
Áætlanagerð og markmiðasetning
Stuðningur við áframhaldandi þróun og vöxt starfseminnar

Menntunar- og hæfniskröfur

Háskólamenntun sem nýtist í starfi og/eða víðtæk starfsreynsla
Reynsla af stjórnun og rekstri
Reynsla af sölu og samningagerð
Góð íslensku- og enskukunnátta í ræðu og riti
Framúrskarandi þjónustulund
Góð skipulagshæfni, frumkvæði og sjálfstæði í störfum

Fríðindi í starfi

Farsímaáskrift og nettenging heima
Sveigjanlegt og fjölskylduvænt vinnuumhverfi
Öflugt starfsmannafélag og aðgangur að orlofshúsum víðs vegar um landið
Heilsu- og hamingjupakka sem inniheldur m.a. samgöngustyrk, líkamsræktarstyrk, styrk fyrir sálfræðiþjónustu og krabbameinsskoðun

Nánari upplýsingar um starfið veitir Bergljót Soffía Benediktsdóttir, forstöðumaður aksturs og svæðisskrifstofa, [email protected].

Umsóknarfrestur er til 31. ágúst 2026.

Í anda jafnréttisstefnu Eimskips eru öll kyn hvött til að sækja um. Umsóknum skal skilað í gegnum heimasíðu Eimskips, www.eimskip.is. Öllum umsóknum verður svarað og farið með þær sem trúnaðarmál.

Auglýsing birt19. ágúst 2026

Umsóknarfrestur31. ágúst 2026

Tungumálahæfni