Stjórnunarstöður í Auðarskóla skólaárið 2025-2026

Auðarskóli auglýsir eftir lausnamiðuðum leiðtogum í stjórnendstöður fyrir skólaárið 2025-2026:

• Deildarstjóra í grunnskóla-Tímabundin staða til eins árs
• Aðstoðarleikskólastjóra
• Verkefnastjóra sérkennslu

Auðarskóli leitar að metnaðarfullum og lausnamiðuðum einstaklingum sem vilja ná góðum árangri í skólastarfi.
Ráðið er í stöðu deildarstjóra frá 16. september 2025 og til og með 31. júlí 2026.
Ráðið verður í stöðu aðstoðarleikskólastjóra frá 6. ágúst 2025.
Ráðið verður í stöðu verkefnastjóra sérkennslu frá 22. september 2025.

Auðarskóli er samrekinn leik-, grunn- og tónlistarskóli og er staðsettur í Búðardal sem er eini þéttbýliskjarni sveitarfélagsins. Í grunnskólanum eru um 70 nemendur í 1.-10. bekk og um 26 börn í leikskólanum. Einkunnarorð skólans eru Ábyrgð-Ánægja-Árangur.

Menntastefna Dalabyggðar er höfð að leiðarljósi í starfi skólans og er útgangspunkturinn að stuðla að framsækni og vellíðan barna og ungmenna og um leið alls skólasamfélagsins. Lögð er rík áhersla á að í Dalabyggð sé eftirsóknarvert og fjölskylduvænt samfélag og er öflugt menntastarf veigamikill þáttur þess. Í forgangir er að byggja upp gott og heilbrigt starfs- og námsumhverfi þar sem komið er til móts við fjölbreyttar þarfir barna og nemenda í skólasamfélagi sem byggist á lýðræðislegri þátttöku allra.

Í Dölunum gefast mörg tækifæri til útivistar og hreyfingar og í Búðardal er vel búin líkamsræktarstöð. Íþróttahús og sundlaug eru í byggingu sem staðsett eru við leik- og grunnskóla og verða tekin í gagnið í feb/mars 2026.

Menntunar- og hæfniskröfur deildarstjóra grunnskóla

• Leyfisbréf kennara í grunnskóla(Leyfisbréf fylgi umsókn)
• Framhaldsmenntun á sviði menntunarfræða
• Stjórnunarreynsla í grunnskóla
• Reynsla af kennslu í grunnskóla, teymisvinnu og samvinnu
• Leiðtogahæfileikar og áhugi á þróunarstarfi
• Metnaður til að þróa gæða skólastarf
• Skipulagshæfileikar, jákvæðni og sveigjanleiki
• Frumkvæði í starfi og faglegur metnaður
• Hæfni í mannlegum samskiptum, þolinmæði, umburðarlyndi og víðsýni
• Mjög góð íslenskukunnátta
• Góð tölvufærni og þekking á nauðsynlegum kerfum
• Færni til að tjá sig í ræðu og riti

Menntunar- og hæfniskröfur aðstoðarleikskólastjóra

• Leikskólakennaramenntun eða önnur uppeldismenntun. Leyfisbréf kennara (Leyfisbréf fylgi umsókn)
• Framhaldsmenntun á sviði menntunarfræða
• Stjórnunarreynsla í leikskóla
• Reynsla af kennslu í leikskóla, teymisvinnu og samvinnu
• Leiðtogahæfileikar og áhugi á þróunarstarfi
• Metnaður til að þróa gæða skólastarf
• Skipulagshæfileikar, jákvæðni og sveigjanleiki
• Frumkvæði í starfi og faglegur metnaður
• Hæfni í mannlegum samskiptum, þolinmæði, umburðarlyndi og víðsýni
• Mjög góð íslenskukunnátta
• Góð tölvufærni og þekking á nauðsynlegum kerfum
• Færni til að tjá sig í ræðu og riti

Menntunar- og hæfniskröfur verkefnastjóra sérkennslu

• Kennaramenntun og leyfisbréf kennara og/eða menntun á sviði sérkennslu, þroskaþjálfa, atferlisþjálfa, eða sambærileg menntun sem nýtist í starfi(Leyfisbréf fylgi umsókn)
• Reynsla af sérkennslu æskileg
• Leiðtogahæfileikar og áhugi á þróunarstarfi
• Metnaður til að þróa gæða skólastarf
• Skipulagshæfileikar, jákvæðni og sveigjanleiki
• Frumkvæði í starfi og faglegur metnaður
• Hæfni í mannlegum samskiptum, þolinmæði, umburðarlyndi og víðsýni
• Mjög góð íslenskukunnátta
• Góð tölvufærni og þekking á nauðsynlegum kerfum
• Færni til að tjá sig í ræðu og riti

Umsækjandi má hvorki hafa hlotið refsidóm vegna brota á ákvæðum XXII. kafla almennra hegningarlaga, nr. 19/1940, né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum.

Áhugasamir einstaklingar af öllum kynjum eru hvattir til að sækja um. Launakjör eru samkvæmt gildandi samningum Sambands íslenskra sveitarfélaga við viðkomandi stéttarfélag.

Umsókn skal fylgja náms- og starfsferilskrá ásamt afriti af prófskírteinum og starfsleyfi ef við á. Umsókn skal einnig fylgja kynningarbréf.

Umsóknarfrestur er til og með 31. maí 2025.

Nánari upplýsingar veitir:

Herdís Erna Gunnarsdóttir, skólastjóri, netfang: [email protected], sími: 4304757.