Laus störf Hæfnileit Vinnustaðir Námskeið

Íþróttahús Kópavogsbæjar

Kópavogsbær rekur sex íþróttahús sem notuð eru bæði fyrir skólaíþróttir og íþróttastarf. Þau eru staðsett í Digranesi, Fagralundi, Kársnesskóla, Kópavogsskóla, Lindaskóla og Vatnsendaskóla. Ásamt íþróttahúsunum rekur Kópavogsbær einnig skíðamiðstöð Kópavogs í Bláfjöllum sem og Kópavogsvöll sem er notaður bæði af íþróttafélögunum og er opin almenningi.

Vinnustaðurinn

Starfsmaður óskast í íþróttahús Lindaskóla

Starfsmaður óskast í íþróttahús Lindaskóla. Í starfinu felst m.a. þjónusta og samskipti við iðkendur og notendur ásamt þrifum, öryggisgæslu og klefavörslu í karlaklefa íþróttahússins. Þar af leiðandi koma eingöngu karlar til greina í starfið.

Starfsmaður íþróttahúss hefur eftirlit með því að umgengnisreglur séu virtar og hefur hlutverki að gegna í því að leiðbeina börnum og öðrum gestum sem þangað koma.

Um er að ræða 100% starf í dagvinnu. Íþróttahúsin eru reyklaus vinnustaður.

Helstu verkefni og ábyrgð

Taka vel á móti gestum íþróttahússins, aðstoða þá og leiðbeina
Afgreiðsla, símsvörun og upplýsingagjöf
Klefavarsla í karlaklefa sem er fólgin í þrifum í bað- og búningsklefum auk öryggisgæslu á þeim stöðum
Ræsting og þrif á öðrum rýmum íþróttahússins
Eftirlit með tækjum, húsbúnaði o.fl. sem heyrir undir íþróttahúsið
Sýna notendum íþróttahússins gott fordæmi

Menntunar- og hæfniskröfur

Starfsfólk íþróttahúsa skal vera orðið 20 ára
Þar sem um klefavörslu í karlaklefa er að ræða koma eingöngu karlar til greina í starfið
Mjög góð hæfni í mannlegum samskiptum, jákvæðni og þolinmæði
Góð samstarfshæfni og þjónustulund
Stundvísi, vinnusemi og samviskusemi
Frumkvæði og sjálfstæði í vinnubrögðum
Góð íslenskukunnátta skilyrði
Enskukunnátta æskileg
Grunnmenntun í skyndihjálp æskileg
Almenn tölvukunnátta æskileg

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

Launakjör eru samkvæmt kjarasamningi Sambands íslenskra sveitarfélaga og Starfsmannafélags Kópavogs.

Tekið er mið af jafnréttisáætlun Kópavogsbæjar og jafnréttislögum við ráðningu í starfið.

Umsóknarfrestur er til og með 12. ágúst 2026.

Einstaklingar sem ráðnir eru til starfa í íþróttahús grunnskóla Kópavogs þurfa að undirrita heimild til upplýsingaöflunar úr sakaskrá og undirrita trúnaðaryfirlýsingu.

Nánari upplýsingar gefur Gunnar Guðmundsson, deildarstjóri íþróttadeildar í netfanginu [email protected]

Tekið er við umsóknum í gegnum ráðningarvef Alfreðs.

Auglýsing birt22. júlí 2026

Umsóknarfrestur12. ágúst 2026

Tungumálahæfni