Laus störf Hæfnileit Vinnustaðir Námskeið

Hvalfjarðarsveit

Íþróttamiðstöðin Heiðarborg. Sundlaug, líkamsræktarsalur og íþróttasalur. Opnunartími er mánudaga - fimmtudaga frá kl. 16:00 - 21:00 laugardaga frá kl. 10:00-15:00. Síminn í Heiðarborg er 433-8541. Netfang: [email protected]

Vinnustaðurinn

Starfsfólk í íþrótta- og samfélagsmiðstöðina Heiðarborg

Hvalfjarðarsveit auglýsir eftir starfsfólki til starfa í íþrótta- og samfélagsmiðstöðinni Heiðarborg.

Starfsfólk íþrótta- og samfélagsmiðstöðvar sinnir eftirliti, vörslu, umhirðu og þjónustu við gesti. Starfsfólk ber ábyrgð á að húsnæði, aðstaða og umhverfi sé snyrtilegt og öruggt fyrir notendur mannvirkisins. Starfsfólk sækir námskeið í skyndihjálp og björgun sem hluti af starfinu.

Helstu verkefni og ábyrgð

Þjónusta og afgreiðsla gesta.
Eftirlit með sundlaug, heitum pottum, íþróttasal, þreksal og öðrum svæðum Heiðarborgar.
Að stuðla að öryggi gesta og tryggja að reglum um notkun aðstöðunnar sé fylgt.
Móttaka og aðstoð við nemendur, kennara og aðra hópa sem nýta aðstöðuna.
Dagleg þrif og umhirða húsnæðis, búningsklefa, sundlaugarsvæðis og útisvæða.
Önnur verkefni sem falla að starfsemi Heiðarborgar.

Menntunar- og hæfniskröfur

Hreint sakavottorð (skv. 10. grein Æskulýðslaga)
Skilyrði fyrir ráðningu er að starfsmaður standist hæfnispróf sundstaða.
Umsækjendur þurfa að hafa náð 18 ára aldri.
Reynsla af sambærilegu starfi kostur.
Góð færni í íslensku.
Stundvísi og áreiðanleiki.
Snyrtimennska og góð umgengni.
Góð samskiptahæfni og þjónustulund.

Unnið er á morgun-, kvöld- og helgarvöktum.
Um er að ræða mismunandi stöðugildi.
Æskilegt er að viðkomandi geti hafið störf í ágúst.
Launakjör eru samkvæmt kjarasamningum sveitarfélagsins við viðkomandi stéttarfélag.
Öll kyn eru hvött til að sækja um.

Nánari upplýsingar um starfið veitir Freyja Þöll Smáradóttir, deildarstjóri Velferðar- og fræðsludeildar, [email protected], eða í síma 433-8500.

Umsóknarfrestur er til og með 4. ágúst nk.

Öllum umsóknum verður svarað.

Auglýsing birt13. júlí 2026

Umsóknarfrestur4. ágúst 2026

Tungumálahæfni