Laus störf Hæfnileit Vinnustaðir Námskeið

Hamrahlíð Vinna og Virkni

Búsetukjarninn Hamrahlíð (áður hluti af Skálatúni) er vinnu og virknistaður sem veitir fólki með fötlun fjölbreytta og metnaðarfulla þjónustu. Í Hamrahlíð fer m.a. fram metnaðarfull handavinna ásamt öðru skemmtilegu starfi. Við leggjum mikla áherslu á að gefa gömlum hlutum nýtt líf sem sem við seljum svo í BÚÐINNI OKKAR. Unnið er eftir hugmyndafræði um Þjónandi leiðsögn og er þjónustan einstaklingsmiðuð. Fólk sem kemur og nýtur þjónustu á þessum vinnu- og virknistað er aðstoðað við fjölbreytt verkefni og starfsfólk fylgir því í ýmiskonar virkni. Eldri borgarar sækja einnig félagsstarf í Hamrahlíð. Hamrahlíð býr að framsæknum starfsmannahópi og þar ríkir góður starfsandi sem skilar sér í faglegu og áhugaverðu starfi. Í Hamrahlíð starfa 10 leiðbeinendur og alls 33 starfsmenn sinna þjónustunni í mismunandi starfshlutföllum.

Vinnustaðurinn

Starfsmaður í Hamrahlíð Vinna og Virkni

Velferðarsvið Mosfellsbæjar óskar eftir starfsmanni í 90% starf í Hamrahlíð Vinna og Virkni. Æskilegt er að viðkomandi geti hafið störf sem fyrst.

Hamrahlíð bíður upp á vinnu- og virkniþjálfun fyrir fatlaða einstaklinga. Við leitum af drífandi og áhugasömu starfsmanni til að takast á við fjölbreytt verkefni í sveigjanlegu og skemmtilegu starfsumhverfi.

Unnið er í skipulagðri hópastarfsemi og einstaklingsmiðari vinnu. Ýmis verkefni eru í gangi m.a. handavinna, listagallerí, búð, vinnutengd virkni og allskonar vettvangsferðir.

Helstu verkefni og ábyrgð

Að skapa öryggi og vellíðan á vinnustað.
Þátttaka í faglegu starfi, s.s. að leiðbeina, styðja og hvetja notendur við verkefni sem unnið er að hverju sinni.
Þátttaka í teymisvinnu.
Einstaklingsmiðaður persónulegur stuðningur við fatlað fólk.
Að framfylgja þjálfunar-/þjónustuáætlunum sem forstöðumaður og deildarstjóri hafa umsjón með
Önnur verkefni sem yfirmaður felur starfsmanni og falla undir verksvið viðkomandi.

Menntunar- og hæfniskröfur

Góð almenn menntun
Reynsla af starfi með fötluðum
Framúrskarandi hæfni í samskiptum og samstarfi
Sveigjanleiki og hæfni til að takast á við fjölbreytt verkefni
Skipulögð og sjálfstæð vinnubrögð
Góð íslenskukunnátta í ræðu og riti
Hreint sakavottorð

Umsóknir skulu innihalda starfsferilsskrá sem greinir frá reynslu, menntun og fyrri störfum ásamt nokkrum orðum um af hverju þú telur þig hæfa/n í starfið.

Nánari upplýsingar um starfið veitir Helga Lovísa Kemp Helgadóttir, forstöðumaður ([email protected]) og Harpa Dís Haraldsdóttir, deildarstjóri ([email protected]). Öllum umsóknum verður svarað. Laun eru samkvæmt kjarasamningi Sambands ísl. sveitarfélaga og viðkomandi stéttarfélags. Ráðið er í öll störf óháð kyni.
Umsóknarfrestur er til og með 27. október.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Auglýsing birt5. október 2026

Umsóknarfrestur27. október 2026

Tungumálahæfni